مظفرآباد ، حکومتی احکامات کھو کھاتے ،پرائیویٹ کالجز نے عید کی چھٹیوں کے بعد کالجز کھول دیئے

منگل 10 جون 2025 19:09

مظفرآباد(اُردو پوائنٹ اخبارتازہ ترین - این این آئی۔ 10 جون2025ء)ضلع بھر میں پرائیویٹ کالجز نے عید کی چھٹیوں کے بعد کالجز کھول دیئے۔ حکومتی احکامات کھو کھاتے میں۔ شدید موسم گرما کے باجود سٹوڈنٹس کو کالجز میں آنے پر مجبور کیا جا رہا ہے۔

(جاری ہے)

بچوں کے والدین نے مطالبہ کیا ہے کہ موسم گرما کے دوران کالجز کو بند رکھا جائے کیونکہ دیگر ادارہ جات بند ہونے کی وجہ سے آنے جانے میں بچوں کو دشواری ہوتی ہے۔ اور شدید گرمی کی وجہ سے بچوں کی صحت بھی خراب ہو سکتی ہے۔ مظفرآباد میں قائم بڑے پرائیویٹ ادارہ جات ویسے بھی حکومتی احکامات کو نظر انداز کرتے ہیں۔شعبہ کالجز ، ضلعی انتظامیہ کالجز کو بند کرنے کے حوالہ سے حکومتی احکامات پر مکمل عملدرآمد کروائے ۔