آئندہ مالی سال کے بجٹ میں کسٹمز ڈیوٹیز کے 5 ، 10 اور 15 فیصد کے نئے ٹیرف متعارف ، موجودہ ٹیرف سلیب ختم ،2201 ٹیرف لائنز پر موجود صفر ٹیرف سلیب کی مزید 916 پی سی ٹی کوڈز تک توسیع

اسلام آباد (اُردو پوائنٹ اخبارتازہ ترین - اے پی پی۔ 10 جون2025ء) آئندہ مالی سال 26-2025 کے بجٹ میں برآمد ات پر مبنی ترقی ،صارفین کی فلاح وبہبود ، سستے صنعتی خام مال کی دستیابی،اقتصادی خود مختیاری ،روزگار کے نئے موقع پیدا کرنے ، ایف بی آر کی ٹرانسفارمیشن ، اختراع اور معاشی کارکردگی میں اضافہ کیلئے کسٹمز ڈیوٹی کے 5 فیصد، 10 فیصد اور 15 فیصد کے نئے ٹیرف متعارف کرائے گئے ہیں جبکہ 3 فیصد، 11 فیصد اور 16 فیصد کے موجودہ ٹیرف سلیب ختم کر دیئے گئے ہیں،2201 ٹیرف لائینز پر موجود صفر ٹیرف سلیب کو مزید 916 پی سی ٹی کوڈز تک بڑھا دیا گیا ہے،2624 پی سی ٹی کوڈز کے تحت سامان پر کسٹمز ڈیوٹی میں کمی کر دی گئی ہے۔

اضافی کسٹمز ڈیوٹی (اے سی ڈی ) کی4,383 ٹیرف لائنز پر مشتمل شرح 0 فیصد، 5 ٖفیصد اور 10فیصد کے ٹیرف سلیبس پر 2فیصد سے کم کر کے صفر کرد ی گئی ہے ما سوائے 95 ٹیرف لائنوں کے جن پر 2 فیصد اے سی ڈی قابل وصول ہے۔

(جاری ہے)

فنانس بل 26-2025 کے تحت 15فیصد کے ٹیرف سلیب کے تحت 518 ٹیرف لائنز پر ڈیوٹی کی شرح 4 ٖیسڈ کے مقابلہ میں 2 فیصد تک کم کر دی گئی ہے ۔ اسی طرح 20 فیصد ٹیرف سلیب کے تحت 2166 ٹیرف لائنز پر ڈیوٹی کی شرح 6 سے کم کر کے 4 فیصد جبکہ 20 فیصد سے زیادہ کے ٹیرف سلیب کے تحت 468 ٹیرف لائینز پر کسٹمز ڈیوٹی کی شرح کو 7 فیصد سے 6 فیصڈ تک کم کیا گیا ہے۔

حکومے نے 554 پی سی ٹی کوڈز کے تحت آے والی اشیا پر ریگولیٹری ڈیوٹی کو ختم کرنے کا فیصلہ کیا ہے جبکہ 595 پی سی ٹی کوڈز کے تحت آنے والی اشیا پر ریگولیٹری ڈیوٹی کی شرح میں کمی ڈیوٹی کی زیادہ سے زیادہ شرح کو 90 فیصد سے کم کرتے ہوئے 50 فیصد کرنے کا بھی فیصلہ کیا ہے۔ فناس بل میں استثنیٰ میں کمی کیلئے پانچویں شیڈول کے پارٹ-I، پارٹ-III اور پارٹ-VII میں 479 اندراجات کو حذف کر دیا گیا۔

حکومت نے شفاف، تیز اور یکساں تشخیص کے لیے سینٹرلائزڈ اسیسمنٹ یونٹس (CAUs) اور سینٹرلائزڈ ایگزامینیشن یونٹس (CEUs) کے قیام کا بھی فیصلہ کیا ہے جبکہ کلیدی مقامات پر ڈیجیٹل انفورسمنٹ یونٹس (DEUs) کے قیام اور انسداد سمگلنگ آپریشنز کو مضبوط بنانے کے لیے ٹیکنالوجی کے استعمال کو بھی یقینی بنایا جائے گا۔ مزید برآں کارگو کی نقل و حرکت کی نگرانی کے لیے کارگو ٹریکنگ سسٹم (سی ٹی ایس) متعارف کرایا گیا ہے، یہ سسٹم بونافائیڈ کارگو کی سہولت فراہم کرتے ہوئے ٹیکنالوجی کے استعمال کے ذریعےسمگل شدہ/نان ڈیوٹی ادا شدہ کارگو کی نقل و حرکت کی نشاندہی کرے گا۔

ڈیوٹیوں اور ٹیکسوں کی پیشگی ادائیگی کے بغیر سامان کے اعلانات کو فائل کرنے کی اجازت دے کر قبل از آمد کلیئرنس کی ترغیب بھی دی گئی ہے۔ ٹیکس معاملات میں قانونی چارہ جوئی کو کم کرنے کے لیے قابل وصول رقم کی ادائیگی سے مشروط حد کو 20 ہزار سے ایک لاکھ روپے تک بڑھانے کا بھی فیصلہ کیا گیا ہے۔ روپے کی موجودہ حد۔ خلاف ورزی کی کارروائی شروع کرنے کے لیے 20,000/- روپے کو بڑھا کر روپے کر دیا گیا۔

اپیلیٹ ٹریبونل مقدمات کے فیصلے اور اپیلیں دائر کرنے کے لیے وقت کی مدت کو بھی معقول بنایا گیا۔آئندہ مالی سال کے بجٹ میں ڈائریکٹوریٹ جنرل آف انٹیلی جنس اینڈ انویسٹی گیشن، کسٹمز اور ڈائریکٹوریٹ جنرل آف رسک مینجمنٹ سسٹم کو مؤثر طور پر انٹیلی جنس اکٹھا کرنے، ٹارگٹڈ آپریشنز اورآر ایم ایس کی ترقی کے لیے ضم اور دوبارہ منظم کیا جائے گا جبکہ ضبط شدہ سامان کی نیلامی کو منظم کرنے کے لیے ایک نیا ڈائریکٹوریٹ جنرل آف کسٹمز آکشن بھی قائم کیا جائے گا ۔

اسی طرح تجارتی سہولت اور سٹیک ہولڈر کی شمولیت کے لیے کسٹمز سے متعلق معلومات کی ترسیل کے لیے ایک نیا ڈائریکٹوریٹ جنرل آف کمیونیکیشنز اینڈ پبلک ریلیشنز تشکیل دیا جائے گا۔ مزید برآں خصوصی اقدامات کے قلیل مدتی معاہدوں پر ٹیکنالوجی کے ماہرین، آڈیٹرز، اکاؤنٹنٹ اور سامان کی جانچ کرنے والوں کی خدمات حاصل کرنے کا انتظام بھی کیا جائے گا۔

انسداد سمگلنگ آپریشنز کی ترغیب کے لیے کسٹمز کمانڈ فنڈ کے قیام کا بھی متعارف کرایا گیا ہے ، غلط استعمال کو روکنے کے لیے کورئیر/پوسٹل پارسل کے لیے کم از کم حد روپے 500 کر دی گئی ہے۔ فانس بل میں اپیلیٹ فورم کے سامنے غیر سنجیدہ اپیلیں دائر کرکے ضبطی کے لیے ذمہ دار سامان کی ملکیت کے تاخیر سے دعوے کی کوششوں کی حوصلہ شکنی کے ساتھ ساتھ گاڑی کی چیسس کی چھیڑ چھاڑ پر گاڑی کو سمگل شدہ گاڑی سمجھا جائے گا، چاہے اس کیایم آر ایز کے ساتھ رجسٹریشن کی حیثیت کچھ بھی ہو۔