یمن میں ایک ہفتے کے دوران مزید 1,139 بارودی سرنگیں صاف

بدھ 11 جون 2025 11:10

صنعا (اُردو پوائنٹ اخبارتازہ ترین - اے پی پی۔ 11 جون2025ء) سعودی عرب کے شاہ سلمان مرکز برائے امداد و انسانی خدمات کے تحت جاری منصوبہ مسام نے رواں ماہ کے پہلے ہفتے میں یمن کے مختلف علاقوں سےایک ہزار 139 بارودی سرنگیں اور نہ پھٹنے والے گولہ بارود کو تلف کیا۔العربیہ کے مطابق تلف کی گئی اشیاء میں ایک اینٹی پرسنل بارودی سرنگ، 56 ٹینک شکن سرنگیں، 1,080 ناکارہ بارودی مواد اور 2دیسی ساختہ بم شامل ہیں۔

صوبہ عدن میں مسام کی ٹیم نے تین ٹینک شکن سرنگیں اور 1,016 نہ پھٹنے والے گولت نکالے۔ الحدیدہ کے علاقے الخوخہ میں ایک دیسی ساختہ بم کو ناکارہ بنایا گیا جبکہ صوبہ لحج میں مختلف علاقوں سے تین، طور الباحہ سے دو اور المضاربہ سے سات ناکارہ گولے ہٹائےگئے۔مأرب میں مسام نے 53 ٹینک شکن بارودی سرنگیں تلف کیں۔

(جاری ہے)

شبوہ کے عسیلان میں 10 اور بیحان میں سات ناکارہ گولے نکالے گئے۔

تعز کے موزع علاقے میں 25، ذباب میں ایک اینٹی پرسنل بارودی سرنگ اور تین ناکارہ گولےالمخامیں 19 اور المظفر میں 13 ناکارہ گولیاں تلف کی گئیں۔مسام پراجیکٹ کے تحت اب تک یمن بھر سے 4 لاکھ 98 ہزار 683 بارودی سرنگیں اور ناکارہ گولے تلف کیے جا چکے ہیں جو کہ یمن کے شہریوں خصوصاً بچوں، خواتین اور بزرگوں کی جانوں کو شدید خطرے میں ڈالنے کے لیے بے ترتیب انداز میں بچھائی گئی تھیں۔سعودی عرب مسام منصوبے کے ذریعے یمن کی زمین کو بارودی سرنگوں سے پاک کرنے اور وہاں کے عوام کو محفوظ اور باوقار زندگی فراہم کرنے کے لیے اپنی کوششیں جاری رکھے ہوئے ہے۔