حجرہ شاہ مقیم کار پارکنگ پر فائرنگ، گولی لگنے سے کانسٹیبل کی آنکھ، کان ضائع

مین بازار علاقہ غیر بن گیا،حافظ قران نوجوان کی کمر پر فائر لگا،تین گرفتار

بدھ 11 جون 2025 11:18

حجرہ شاہ مقیم (اُردو پوائنٹ اخبارتازہ ترین - این این آئی۔ 11 جون2025ء)کار پارکنگ پر جھگڑا ،دو گروپوں میں فائرنگ سے مین بازار علاقہ غیر بن گیا،گولی لگنے سے پولیس کانسٹیبل کی آنکھ اور کان ضائع ہو گئے،حافظ قران کی کمر پر گولی لگی، ڈی پی او کا نوٹس،تین ملزمان گرفتار ،مقدمہ درج۔

(جاری ہے)

تفصیلات کے مطابق مین بازار حجرہ شاہ مقیم کے مچھلی چوک میں کار کھڑی کرنے کے مسئلے پر انوار گروپ اور ذیشان گروپ میں جھگڑا ہو گیا اور ہاتھ پائی کے بعد اسلحہ نکل آیا اور اندھا دھند سیدھی فائرنگ شروع ہو گئی جس سے مین بازار علاقہ غیر کا منظر پیش کرنے لگا اسی دورا ن گائوں شاہ پور سے خریداری کرنے آئے نوجوان پولیس کانسٹیبل عابد علی آنکھ میں گولی لگنے اور ٹریول ایجنسی کے مالک مقصود عالم جوئیہ کا بیٹا حافظ قرآن بیٹا محمد رضوان کمر میں گولی لگنے سے زخمی ہو گئے ،اطلاع ملنے پر ایس ایچ او تھانہ حجرہ شاہ مقیم حافظ اطہر رشید پولیس نفری کے ہمراہ موقع پر پہنچ گئے اور ابتدائی طور پر تین ملزمان کو گرفتار کر کے زخمیوں کو ہسپتال منتقل کیا جہاں آپریشن کے بعدپولیس کانسٹیبل عابد علی کی بائیں آنکھ اور کان ضائع ہو گئے جبکہ حافظ رضوان کی حالت خطرے سے باہر ہے ،پولیس نے مقدمہ درج کر کے تفتیش شروع کر دی ہے ،واضع رہے کہ نوجوان انیس سالہ عابد علی حال ہی میں محکمہ پولیس میں بھرتی ہوا تھا جسے چند روز بعد ٹریننگ پر جانا تھا۔