کمشنر ساہیوال ڈویژن کی شہروں کے ساتھ ساتھ دیہاتوں میں بھی مکمل صفائی کی ہدایت

جمعرات 12 جون 2025 13:06

ساہیوال (اُردو پوائنٹ اخبارتازہ ترین - اے پی پی۔ 12 جون2025ء) کمشنر ساہیوال ڈویژن شعیب اقبال سید نے شہروں کے ساتھ ساتھ دیہاتوں میں بھی مکمل صفائی کی ہدایت جاری کیں ہیں ، کنٹینرز میں پڑا کوڑا ترجیحی بنیادوں پر اٹھایا جائے، تحصیل دیپالپور میں 2روزہ خصوصی مہم چلا کر مکمل صفائی کو یقینی بنایا جائے اور تحصیل میں سینٹری ورکرز کی کمی کو فوری پورا کیا جائے، ساہیوال واٹر اینڈ سینیٹیشن سروسز کمپنی کو ہدایت۔

وہ یہاں اپنے دفتر میں پسپ پروگرام اور میونسپل کارپوریشن کی کارکردگی کے جائزہ اجلاس کی صدارت کررہے تھے جس میں ایڈیشنل کمشنر کوارڈینیشن ڈاکٹر سیف اللہ بھٹی، ڈائریکٹر ڈویلپمنٹ شفیق احمد ڈوگر، چیف آفیسر کارپوریشن شیخ اشفاق احمد، سٹی مینجر پسپ محمد اسجد خان سمیت متعلقہ افسران نے شرکت کی۔

(جاری ہے)

انہوں نے کمپنی کے سی ای او کو ہدایت کی کہ وہ اس دو روزہ مہم کی نگرانی کریں اور تحصیل بھر میں صفائی کو ہر صورت یقینی بنائیں۔

کمشنر شعیب اقبال سید نے ساہیوال شہر کے تین بڑے بازاروں دیپالپور بازار، پاک پتن بازار اور صدر بازار میں جاری ٹف ٹائل لگانے کے کام کو تیز کرنے اور بجلی و ٹیلی فون کے پولز کی جلد شفٹنگ مکمل کرنے کی ہدایت کی۔ انہوں نے بازاروں اور مارکیٹوں میں تجاوزات کے خلاف مہم کو روزانہ کی بنیاد پر جاری رکھتے ہوئے انفورسمنٹ انسپکٹر خالد ضیاء کو راجباہ 6آر کے ساتھ پختہ تجاوزات کو ہٹانے کی بھی ہدایت کی۔\378