ہیٹ ویو،موٹروے پولیس نے ٹریول ایڈوائزری جاری کر دی

شہری شدیدگرمی میں گاڑی چلانے سے پہلے پانی اور کولنٹ کولازمی چیک کریں

جمعرات 12 جون 2025 13:52

لاہور (اُردو پوائنٹ اخبارتازہ ترین - این این آئی۔ 12 جون2025ء) شدید گرمی کی لہر ’’ہیٹ ویو ‘‘ کے پیش نظر موٹروے پولیس سنٹرل ریجن نے ایک اہم ٹریول ایڈوائزری جاری کی ہے تاکہ مسافروں کی حفاظت کو یقینی بنایا جا سکے۔

(جاری ہے)

ترجمان موٹروے پولیس سید عمران احمد نے شہریوں سے اپیل کی ہے کہ وہ شدیدگرمی میں گاڑی چلانے سے پہلے پانی اور کولنٹ کولازمی چیک کریں، گاڑیوں کے انجن کادرجہ حرارت اور ٹائر پریشر پر نظر رکھیں، شدید گرمی میں گاڑی میں لائٹر ، موبائل فون یاپرفیوم نہ رکھیں، دن 11 سے سہ پہر 4بجے تک غیر ضروری سفر سے پرہیز کریں،بچوں اور بزرگوں کو گرمی میں گاڑی میں تنہا چھوڑنے سے گریز کریں،اضافی پانی و فرسٹ ایڈ باکس رکھیں،گاڑی کو ہمیشہ سایہ دار جگہ پر پارک کریں۔

ترجمان سنٹرل ریجن کا کہنا ہے کہ گاڑی پارک کرتے ہوئے کھڑکیاں تھوڑی سی کھلی رکھیں۔ترجمان موٹرویپولیس کا کہنا تھا کہ دوران سفر سیٹ بیلٹ کا استعمال کریں،حد رفتار کی پابندی، اگلی گاڑی سے محفوظ فاصلہ رکھیں۔