ڈپٹی کمشنر مظفرآباد کی ہدایت پر جلال آباد گارڈن کا ماحول بہتر بنانے کے لئے چوکی پولیس جلال آباد متحرک

جمعرات 12 جون 2025 15:31

مظفرآباد(اُردو پوائنٹ اخبارتازہ ترین - این این آئی۔ 12 جون2025ء) ڈپٹی کمشنر مظفرآباد کی ہدایت پر جلال آباد گارڈن کا ماحول بہتر بنانے کے لئے چوکی پولیس جلال آباد متحرک ، چوکی پولیس پر تعینات تفتیشی آفیسر محمد حفیظ مغل کی روزانہ کی بنیاد پر گارڈن میں چیکنگ کا عمل شروع ، دور دراز علاقوں سے آئی فیملیز کو بہتر ماحول میسر آنے لگا ، اہلیان جلال آباد کا میڈیا فورم اور ڈپٹی کمشنر مظفرآباد مدثر فاروق راجہ کے اقدام پر اعتماد کا اظہار ، تفصیلات کے مطابق گزشتہ کئی مہینوں سے آزاد کشمیرکے دارالحکومت مظفرآباد کے پوش علاقہ میں قائم جلال آباد گارڈن ، آوارہ ، سکولز کالجز سے چھپے غیر حاضر سٹوڈنٹس اور منشیات نوشی کی آماجگاہ بن چکا تھا جس کی نشاندہی الیکٹرانک میڈیا نے متعدد بار کروائی جس پر ڈپٹی کمشنر مظفرآباد نے ایکشن لیتے ہوئے فوری طور پر جلال آباد چوکی پولیس کو گارڈن کے اندر پیدا شدہ ماحول کو درست کرنے کا حکم دیا جس پر چوکی پولیس جلال آباد کے تفتیشی آفیسر محمد حفیظ مغل نے روانہ کی بنیاد پر مانیٹرنگ شروع کردی ، جس کے بعد ایسے تمام آوارہ گرد نوجوان اور دیگر عناصر جلال آباد کا رخ کرنے سے کترانے لگے ہیں اور دور دراز اور جلال آباد کی رہائشی مرد و خواتین نے سکھ کا سانس لینا شروع کیا ہے ، شہریوں کا میڈیا نمائندگان ، ڈپٹی کمشنر ، پولیس کا شکریہ ادا کرتے ہوئے کہا کہ میڈیا نے اپنی ذمہ داری پوری کرتے ہوئے متعلقہ اتھارٹیز کی اس اہم معاملہ کی جانب توجہ مبذول کروائی جس کے بعد جلال آباد گارڈن کے بگڑے ہوئے ماحول کو درست سمت پر لایا جا رہا ہے اور مطالبہ کرتے ہیں کہ پولیس کے سول کپڑو ں میں ملبوس سیکورٹی اہلکار گارڈن میں گزشت پر معمور کئے جائیں تاکہ برائی کا مکمل خاتمہ ہو سکے ۔