اسرائیل نے ایران کے خلاف ممکنہ فوجی کارروائی کیلئے امریکا کو آگاہ کردیا

جمعرات 12 جون 2025 16:17

واشنگٹن (اُردو پوائنٹ اخبارتازہ ترین - این این آئی۔ 12 جون2025ء)امریکی میڈیا نے دعوی کیا ہے کہ اسرائیل کسی بھی وقت ایران پر حملہ کرسکتا ہے۔امریکی میڈیا کا دعوی ہے کہ امریکی حکام کو آگاہ کیا گیا ہے کہ اسرائیل ایران پر حملے کیلیے پوری طرح تیار ہے۔

(جاری ہے)

اسرائیل نے ایران پر حملے کی پیشگی اطلاع امریکا کو دے دی ہے۔امریکی میڈیا نے امکان ظاہر کیا ہے کہ ایران ممکنہ طور پر فوری ردعمل کے طور پر عراق میں امریکی سائٹس پر حملہ کرسکتا ہے،صورتحال کے پیش نظر امریکا نے عراق میں امریکی سفارت خانہ جزوی طور پر خالی کروانے کے حوالے سے احکامات جاری کیے۔