فیصل آباد ] 155 اشتہاری اور 118 عدالتی مفروران گرفتار ، 2316 گاڑیاں برآمد

جمعرات 12 جون 2025 21:43

فیصل آباد (اُردو پوائنٹ اخبارتازہ ترین - اے پی پی۔ 12 جون2025ء) فیصل آباد پولیس نے 155 اشتہاری اور 118 عدالتی مفروران کو گرفتار کر کے 2316 گاڑیاں برآمد کیں۔ ترجمان نے بتایا کہ سٹی پولیس آفیسر صاحبزادہ بلا ل عمر کی ہدایت پر فیصل آباد پولیس کا جرائم کی روک تھام اور کرائم ٹریسنگ کے لیے جدید ٹیکنالوجی کا استعمال کرتے ہوئے بھر پور کارروائیاں کیں۔

(جاری ہے)

جدید ٹیکنالوجی اور ایک پولیس پوسٹ ایپ کا مقصد مشتبہ اور مطلوب افراد کی نشاندہی اور چیکنگ ہے۔رواں سال میں ای پولیس پوسٹ ایپ کے ذریعے 5 لاکھ 27 ہزار اشخاص اور 7 لاکھ 67 ہزار وہیکلز چیک کیے گئے ۔ای پولیس پوسٹ کے ذریعے چیکنگ کے دوران 2316وہیکلز ریکور کیے گئے ۔ ترجمان نے مزید بتایا کہ ای پولیس پوسٹ کے ذریعے اشخاص کا ریکاڈ چیک کرنے پر 155 اشتہاری اور 118 عدالتی مفروران کو گرفتار کیا گیا۔ فیصل آباد پولیس ہیومن ریسورسز کے ساتھ ساتھ کرائم کو ٹریس کرنے کے لیے جدید ٹیکنالوجی کو بھی بروئے کار لا رہی ہے۔