چناری،مکاتب قرآنیہ جہلم ویلی کے زیر اہتمام سالانہ عظیم الشان تکمیل قرآن کریم کانفرنس 14 جون کو ہوگی

جمعرات 12 جون 2025 22:47

چناری(اُردو پوائنٹ اخبارتازہ ترین - آن لائن۔ 12 جون2025ء)مکاتب قرآنیہ جہلم ویلی کے زیر اہتمام سالانہ عظیم الشان تکمیل قرآن کریم کانفرنس 14 جون بروز ہفتہ مسجد سیدنا صدیق اکبرؓ، ارجن دھار گڑ تھامہ میں منعقد ہو گی اس روح پرور محفل میں علاقہ بھر کے علمائے کرام،اساتذہ کرام،والدین،حفاظِ کرام، دینی طلبہ اور عوام الناس کی بڑی تعداد کی شرکت متوقع ہے،کانفرنس میں ممتاز علمائے دین قرآن و سنت کی روشنی میں وعظ و نصیحت فرمائیں گیمہمان خصوصی مانسہرہ کی معروف دینی و سیاسی شخصیت سابق ایم پی اے جمعیت علماء اسلام مولانا مفتی کفایت اللہ ہونگیقرآن کریم کی تکمیل کرنے والے طلبہ کو خصوصی انعامات سے نوازا جائے گا اور ان کی محنت و لگن کو خراج تحسین پیش کیا جائے گا،تقریب کے نگران قاری مقصود مغل نے میڈیا نمائندگان سے گفتگو کرتے ہوئے کہا کہ اس سال کی کانفرنس ماضی کی نسبت زیادہ منظم، باوقار اور روحانی اثرات کی حامل ہوگی،تمام اہلِ علاقہ، والدین، علما، دینی طلبہ اور شائقینِ علم و قرآن سے اس بابرکت محفل میں بھرپور شرکت کی اپیل کی ہے،واضح رہے کہ مکاتبِ قرآنیہ جہلم ویلی کئی برسوں سے علاقہ میں قرآنی تعلیمات کے فروغ، بچوں کی دینی تربیت اور حفظِ قرآن جیسے عظیم مشن کو کامیابی سے جاری رکھے ہوئے ہیں۔