اسرائیل کو حملے کی بھاری قیمت چکانا پڑے گی ، ایران

جمعہ 13 جون 2025 09:40

تہران (اُردو پوائنٹ اخبارتازہ ترین - اے پی پی۔ 13 جون2025ء) ایران کی مسلح افواج کے ترجمان بریگیڈیئر جنرل ابوالفضل شکرچی نے رہائشی عمارتوں سمیت ایرانی سرزمین پر اسرائیلی حملوں کی تصدیق کرتے ہوئے کہا ہے کہ اسرائیل کو ان حملوں کی بھاری قیمت چکانا پڑے گی ۔

(جاری ہے)

ارنا نیوز کے مطابق بریگیڈیئر جنرل شکرچی نے جمعے کی صبح کہا کہ اسرائیلی حکومت کی طرف سے راتوں رات کیے جانے والے حملے کا بھرپور جواب ملے گا۔

واضح رہے اسرائیلی حکومت نے جمعے کی رات ایرانی دارالحکومت تہران کے ساتھ ساتھ ایران کے دیگر شہروں میں اور اس کے قریب فوجی حملے شروع کر دیے۔تصاویر میں دارالحکومت میں کئی مقامات پر رہائشی عمارتوں کو تباہ شدہ دکھایا گیا ہے۔ عینی شاہدین اور سرکاری ٹی وی کے نامہ نگاروں نے بتایا کہ انہوں نے متاثرین میں خواتین اور بچوں کی لاشیں دیکھی ہیں۔