پولیس نے 155 اشتہاری اور118 عدالتی مفروران گرفتار، 2316 گاڑیاں برآمد

جمعہ 13 جون 2025 20:57

جڑانوالہ (اُردو پوائنٹ اخبارتازہ ترین - آن لائن۔ 13 جون2025ء) پولیس نے 155 اشتہاری اور 118 عدالتی مفروران کو گرفتار کر کے 2316 گاڑیاں برآمد کیں۔ ترجمان نے بتایا کہ سٹی پولیس آفیسر صاحبزادہ بلا ل عمر کی ہدایت پر فیصل آباد پولیس کا جرائم کی روک تھام اور کرائم ٹریسنگ کے لیے جدید ٹیکنالوجی کا استعمال کرتے ہوئے بھر پور کارروائیاں کیں۔

(جاری ہے)

جدید ٹیکنالوجی اور ایک پولیس پوسٹ ایپ کا مقصد مشتبہ اور مطلوب افراد کی نشاندہی اور چیکنگ ہے۔

رواں سال میں ای پولیس پوسٹ ایپ کے ذریعے 5 لاکھ 27 ہزار اشخاص اور 7 لاکھ 67 ہزار وہیکلز چیک کیے گئے۔ای پولیس پوسٹ کے ذریعے چیکنگ کے دوران 2316وہیکلز ریکور کیے گئے۔ ترجمان نے مزید بتایا کہ ای پولیس پوسٹ کے ذریعے اشخاص کا ریکاڈ چیک کرنے پر 155 اشتہاری اور 118 عدالتی مفروران کو گرفتار کیا گیا۔ فیصل آباد پولیس ہیومن ریسورسز کے ساتھ ساتھ کرائم کو ٹریس کرنے کے لیے جدید ٹیکنالوجی کو بھی بروئے کار لا رہی ہے۔