سندھ انوائرنمنٹل پروٹیکشن ایجنسی اور بوتراب اسکاٹس کا کراچی میں شعور بیداری مہم کا انعقاد

جمعہ 13 جون 2025 20:15

کراچی (اُردو پوائنٹ اخبارتازہ ترین - این این آئی۔ 13 جون2025ء) عالمی یوم ماحولیات کے موقع پر سندھ انوائرنمنٹل پروٹیکشن ایجنسی (سیپا) اور بوتراب اسکاٹس نے مشترکہ طور پر کراچی کے مختلف حصوں میں شعور بیداری مہم کا انعقاد کیا۔ اس مہم کے تحت ماحولیاتی تحفظ سے متعلق پیغامات پر مبنی بینرز شہر کے 15 نمایاں مقامات پر آویزاں کیے گئے۔مہم کا مقصد شہریوں میں ماحولیاتی مسائل، خصوصا آلودگی، پائدار ترقی، اور صاف ماحول کی اہمیت کے بارے میں شعور اجاگر کرنا تھا۔

اس سال کی مہم میں خاص طور پر پلاسٹک شاپنگ بیگز پر پابندی سے متعلق آگاہی بھی شامل کی گئی، جس کا اطلاق سندھ حکومت کی جانب سے 15 جون 2025 سے کیا جا رہا ہے۔ بینرز پر عوام سے اپیل کی گئی کہ وہ متبادل ماحول دوست بیگز استعمال کریں اور پلاسٹک آلودگی کے خاتمے میں کردار ادا کریں۔

(جاری ہے)

ڈی جی سیپا وقار حسین پھلپوٹو نے اس موقع پر کہاماحولیات کی بہتری صرف قانون سازی سے ممکن نہیں، عوامی شعور اور شرکت سے ممکن ہے۔

یہ مہم اسی سلسلے کی ایک کڑی ہے جس میں ہم نوجوانوں کو ساتھ لے کر ایک مثبت تبدیلی کی طرف بڑھ رہے ہیں۔مختلف چوراہوں، بازاروں، اور عوامی مقامات پر موجود بوتراب اسکاٹس کے رضاکاروں نے بینرز کو نمایاں انداز میں آویزاں کیا جنہیں بازاروں کے شہریوں نے سراہا۔ماحولیات ماہرین اور سماجی تنظیموں نے اس اقدام کو سراہتے ہوئے کہا کہ ایسی مسلسل اور زمینی سطح پر کی جانے والی مہمات ماحولیاتی آگاہی پیدا کرنے میں اہم کردار ادا کرتی ہیں، خاص طور پر ایسے وقت میں جب پلاسٹک کی روک تھام جیسے اہم اقدامات پر عمل درآمد کا آغاز۔