ساہیوال، نقب زن زمینداروں کے گھروں 46لاکھ 50ہزار 800روپے کی نقدی، زیورات اور 3موبائل لے اڑے

جمعہ 13 جون 2025 21:00

ساہیوال (اُردو پوائنٹ اخبارتازہ ترین - این این آئی۔ 13 جون2025ء)نقب زن زمینداروں کے گھروں سے 46لاکھ 50ہزار 800روپے کی نقدی، زیورات اور 5موبائل لوٹ کر فرارہوگئے۔

(جاری ہے)

نقب زن چک 118نو ایل میں اختر پرویز زمیندار کے گھرسے نقدی، زیورات، دس لاکھ 30ہزار روپے، موبائل، چک 120نو ایل کمیر سے محمدشفیق زمیندار کے گھر سے ایک لاکھ دس ہزار روپے نقدی ، زیورات ، گائوں بوتھنہ میں شہباز احمدزمیندار کے گھر سے نقدی چاندی کے زیورات ایک لاکھ 26ہزار روپے ، چک 9گیارہ ایل میں محمدحنیف کے گھر سے دس لاکھ روپے کی نقدی ، 13لاکھ 60ہزار روپے کے زیورات، چک 93بارہ ایل میں علی نواز کے گھر سے ایک لاکھ روپے مالیت کی بجلی تار، چک 120،تیرہ اے ایل میں شہنوراقبال زمیندار کے گھر سے دوموبائل ، 9لاکھ 24ہزار 800روپے کی نقدی لوٹ کر فرارہوگئے۔

پولیس کمیر، نورشاہ، ہڑپہ، شاہ کوٹ اور کسووال نے اختر پرویز ، محمدشفیق ، شہباز احمد، محمدحنیف ، علی نواز ، شہنوراقبال کی مدعیت میں 6 مقدمات درج کرکے تفتیش شروع کردی ہے ابھی تک ملزم گرفتار نہیں ہوسکے۔