سندھ ترقی پسند پارٹی کی طرف سے ٹنڈو جام میں منشیات کی فروخت کے خلاف حیدرآباد پریس کلب پر احتجاجی مظاہرہ

جمعہ 13 جون 2025 21:05

حیدرآباد(اُردو پوائنٹ اخبارتازہ ترین - این این آئی۔ 13 جون2025ء) سندھ ترقی پسند پارٹی ضلع حیدرآباد کی طرف سے جان محمد جونیجو، ممتاز، ایاز و دیگر کی قیادت میں ٹنڈو جام میں منشیات کی فروخت کے خلاف حیدرآباد پریس کلب پر احتجاجی مظاہرہ کیا گیا۔

(جاری ہے)

رہنمائوں نے خطاب کرتے ہوئے کہا کہ پارٹی چیئرمین کے حکم پر سندھ سے منشیات کی لعنت کے خاتمے کے لیے سندھ کے تمام اضلاع کے ایس ایس پیز کو درخواستیں لکھی گئی ہیں اور منشیات فروشوں کی نشاندہی بھی کی گئی ہے لیکن اس کے باوجود پولیس نے منشیات فروشوں کے خلاف کوئی موثر اور نتیجہ خیز کارروائی نہیں کی جس سے صاف ظاہر ہوتا ہے کہ پولیس منشیات فروشوں کے خلاف کارروائی سے گریز کر رہی ہے، انہوں نے کہا کہ ٹنڈو جام میں پولیس کی سرپرستی میں کھلے عام منشیات فروخت ہو رہی ہے جس سے نوجوانوں کا مستقبل بری طرح متاثر ہو رہا ہے، انہوں نے مطالبہ کیا کہ ٹنڈو جام میں جاری منشیات کی فروخت فوری بند کی جائے۔