لکی مروت، پولیس حوالدار اغوا کے بعد قتل

پولیس اہلکار کو رات گئے گھر سے اغوا کرنے کے بعد فائرنگ کا نشانہ بنایا گیا

ہفتہ 14 جون 2025 13:22

لکی مروت (اُردو پوائنٹ اخبارتازہ ترین - این این آئی۔ 14 جون2025ء)لکی مروت کے علاقے ملک آباد محلہ ریلوے اسٹیشن میں افسوسناک واقعہ پیش آیا۔ نامعلوم افراد نے پولیس اہلکار خوشدل خان کو رات گئے گھر سے اغوا کیا۔

(جاری ہے)

پولیس ذرائع کے مطابق اغواکاروں نے اہلکار کو کچھ فاصلے پر لے جا کر فائرنگ کا نشانہ بنایا، جس سے وہ موقع پر ہی جاں بحق ہو گیا۔واقعے کے بعد علاقے میں شدید خوف و ہراس پھیل گیا جبکہ پولیس نے جائے وقوعہ کو گھیرے میں لے کر شواہد اکھٹے کرنا شروع کر دیے ہیں۔پولیس نے ملزمان کی تلاش شروع کر دی گئی ہے جبکہ مقتول کی میت کو ضروری کارروائی کے بعد ورثا کے حوالے کر دیا گیا۔