مانسہرہ پولیس نے حقیقی بھائی کو قتل کرنے والا ملزم گرفتار کرلیا

ہفتہ 14 جون 2025 13:53

مانسہرہ(اُردو پوائنٹ اخبارتازہ ترین - این این آئی۔ 14 جون2025ء)مانسہرہ پولیس نے حقیقی بھائی کو قتل کرنے والا ملزم گرفتار کرلیا تھانہ پھلڑہ کی حدود سراں پڑھنہ میں پیش آنے والے قتل کے واقعے میں پولیس نے مثر کارروائی کرتے ہوئے حقیقی بھائی کو قتل کرنے والے ملزم کو گرفتار کر لیا۔

(جاری ہے)

تفصیلات کے مطابق مورخہ 11 جون 2025 کو سراں پڑھنہ میں گھریلو تنازعے کے نتیجے میں ملزم زاہد حسین شاہ ولد سید محبوب شاہ نے اپنے حقیقی بھائی احمد شاہ کو قتل کر کے موقع سے فرار اختیار کر لی تھی۔

واقعے کی اطلاع ملتے ہی ضلعی پولیس سربراہ مانسہرہ کی ہدایت پر ایس ایس پی اوگی نزیر خان کی نگرانی میں ملزم کی فوری گرفتاری کے لیے ٹیم تشکیل دی گئی۔ ڈی ایس پی پھلڑہ مدثر ضیا اور ایس ایچ او تھانہ پھلڑہ گلنواز خان نے اپنی ٹیم کے ہمراہ جدید تفتیشی تکنیکوں اور تمام وسائل کو بروئے کار لاتے ہوئے ملزم زاہد حسین شاہ کو کامیاب کارروائی کے دوران گرفتار کر لیا،پولیس کی جانب سے واقعے کی مزید تفتیش جاری ہے۔