Live Updates

وزیراعلیٰ بلوچستان سے اپوزیشن اراکین صوبائی اسمبلی سے ملاقات، آئندہ مالی سال کے بجٹ اور پارلیمانی امور سے پر تبادلہ خیال

ہفتہ 14 جون 2025 16:56

کوئٹہ (اُردو پوائنٹ اخبارتازہ ترین - اے پی پی۔ 14 جون2025ء) وزیر اعلیٰ بلوچستان میر سرفراز بگٹی سے اپوزیشن اراکین صوبائی اسمبلی سے ملاقات کی جس میں آئندہ مالی سال کے بجٹ اور پارلیمانی امور سے متعلق مختلف پہلوؤں پر تفصیلی تبادلہ خیال کیا گیا، وزیر اعلیٰ میر سرفراز بگٹی نے اپوزیشن اراکین سے بات چیت کرتے ہوئے کہا کہ حکومت بجٹ سازی کے عمل کو مشاورت اور اجتماعی دانش کے اصولوں پر استوار کر رہی ہے ، بجٹ کی تشکیل میں اپوزیشن کی تجاویز پر سنجیدگی سے غور کیا جائے گا ۔

(جاری ہے)

وزیر اعلیٰ نے کہا کہ حکومت اپوزیشن کے ساتھ بامقصد مشاورت پر یقین رکھتی ہے ، سیاسی اختلافات سے بالاتر ہو کر عوامی مفاد میں فیصلے کرنے کی ضرورت ہے انہوں نے کہا کہ پارلیمانی روایات کے احترام، جمہوری اقدار کے فروغ، اور تمام منتخب نمائندوں کی شمولیت سے ہی نظام مضبوط ہو سکتا ہے ۔انہوں نے کہا کہ بلوچستان اسمبلی میں تمام اراکین کو مؤثر کردار ادا کرنے کا پورا موقع دیا جا رہا ہے تاکہ بجٹ اور قانون سازی کے عمل کو بہتر اور نتیجہ خیز بنایا جا سکے۔