Live Updates

پشاور، محکمہ صنعت وحرفت کا بجٹ 58 فیصد بڑھا کر 2.70 ارب روپے کردیا

ہفتہ 14 جون 2025 20:10

پشاور(اُردو پوائنٹ اخبارتازہ ترین - این این آئی۔ 14 جون2025ء)خیبرپختونخوا حکومت نے صوبے کی معاشی ترقی کیلئے صنعت کے شعبے کو اہم ذریعہ قرار دیتے ہوئے اسکے لئے نئے مالی سال26 2025- کے بجٹ میں کثیر رقم مختص کی ہے۔محکمہ صنعت وحرفت کے گذشتہ سال کا مجموعی بجٹ 1.70 ارب روپے تھا جسے آئندہ سال کیلئے 58 فیصد بڑھا کر 2.70 ارب روپے کردیا گیا ہے۔اس مد میں نوجوانوں کے ہنر کو فروغ دینے کیلئے یوتھ کپیسٹی بلڈنگ کے سلسلے میں احساس ہنر پروگرام کیلئے 600 ملین روپے مختص کئے گئے ہیں۔

(جاری ہے)

صنعت کاری اور سرمایہ کاری کی ترقی حکومت کا ویژن ہے اور اس ضمن میں رشکئی سپیشل اکنامک زون میں سیکورٹی کے امور کیساتھ ساتھ دیگر پہلوؤں میں ادائیگیوں کیلئے 200 ملین روپے رکھے ہیں۔بنوں اکنامک زون میں صنعتی و تجارتی سرگرمیوں کے فروغ کیلئے 132 کے وی کے گرڈ اسٹیشن کی تعمیر کا فیصلہ کیا گیا ہے تاکہ بجلی کی بلا تعطل فراہمی کو یقینی بنایا جا سکے۔ترقیاتی عمل کا یہ سفر وزیراعلیٰ خیبرپختونخوا علی امین خان گنڈاپور کی قیادت میں معاون خصوصی برائے صنعت عبدالکریم تورڈھیر کی انتھک محنت کا نتیجہ ہے جس کا مقصد صوبے میں پائدار ترقی کا حصول ممکن بنانا ہے۔