چین کے معاشی اشاریوں میں بہتری کا رجحان

اتوار 15 جون 2025 15:50

بیجنگ (اُردو پوائنٹ اخبارتازہ ترین - اے پی پی۔ 15 جون2025ء) چین کے نیشنل انفارمیشن سینٹر کے تازہ ترین شائع متعدد پیشگی اشارے ظاہر کرتے ہیں کہ اس سال مئی میں چینی معیشت کے مختلف شعبوں میں "بہتری" کا رجحان رہا ہے جو معیشت کی بہتری اور نئی قوت کی عکاسی کرتا ہے ۔ چینی میڈیا کے مطابق اس سال کے پہلے 4 مہینوں میں قومی پائیدار اثاثے کی سرمایہ کاری میں 4 فیصد کا اضافہ ہوا جبکہ شمال مشرقی علاقے میں یہ اضافہ 7.6 فیصد تک پہنچ گیا جو کہ دیگر علاقوں کی نسبت بہت زیادہ ہے۔

شمال مشرقی علاقے کی مسابقت بڑھ رہی ہے، صنعت کے ڈھانچے کی بہتری کا اثر نمایاں ہے جو علاقائی معیشت کی فعالیت میں بہتری اور اعلیٰ معیار کی ترقی کے لیے طاقتور مدد فراہم کرتا ہے۔ مئی میں پروجیکٹ ٹینڈر کی مالیت میں گزشتہ سال کے مقابلے میں 21.5 فیصد کا اضافہ ہوا جو پچھلے مہینے کی نسبت 9.2 فیصد زیادہ ہے اوریہ اضافہ نئی بلندی کو دکھاتا ہے ۔

(جاری ہے)

صنعتی پارک کی پیداوار کی بہتری کا انڈیکس ظاہر کرتا ہے کہ مئی میں یہ انڈیکس گزشتہ سال کے مقابلے میں 21.2 فیصد بڑھا جو پچھلے ماہ کی نسبت 0.3 فیصد زیادہ ہے، پیداواری فعالیت اعلی سطح پر برقرار رہی جو صنعت کی ترقی کی مضبوط قوت کو ظاہر کرتا ہے۔ آف لائن کھپت انڈیکس مئی میں سال بہ سال 25.7 فیصد بڑھا جو ایک نئی اعلیٰ سطح پر ہے۔ لائف سروسز اور ای کامرس پلیٹ فارم سے جڑے اعداد و شمار کے مطابق لائف سروسز کھپت کا انڈیکس مئی میں سال بہ سال 14.6 فیصد تک بڑھ گیا، جن میں تفریحی سرگرمیاں، ہوٹلنگ اور خوراک کی صنعتیں سب نے "ڈبل ڈیجٹ" میں اضافہ دیکھا ہے۔متعدد ہائی فریکوئنسی اشاریے ایک مستحکم اور مثبت رجحان کی عکاسی کر رہے ہیں جو چینی معیشت کی مزید بہتری کو بڑھا رہے ہیں۔

Facebook Twitter Google + Share on Whatsapp

چین کے معاشی اشاریوں میں بہتری کا رجحان

متعلقہ عنوان :

مزید بین الاقوامی خبریں