Live Updates

اورکزئی‘ پولیس چیک پوسٹ پر نامعلوم دہشت گردوں کے حملہ میں سب انسپکٹر شہیدہوگیا

اتوار 15 جون 2025 18:30

کوہاٹ(اُردو پوائنٹ اخبارتازہ ترین - این این آئی۔ 15 جون2025ء) قبائلی ضلع اورکزئی کی اپر تحصیل ہیڈکوارٹر غلجو کے نواحی علاقہ میں کڑپہ میں پولیس چیک پوسٹ پرنامعلوم دہشت گردوں نے چھوٹے اور بڑے ہتھیاروں سے حملہ کردیا جس کی زدمیں آکر سب انسپکٹر شہید ہوگیا جبکہ پولیس کی جوابی کارروائی سے حملہ آور فرارہوگئے۔

(جاری ہے)

آمدہ اطلاعات کے مطابق گزشتہ شب اورکزئی کی اپرتحصیل غلجو کے نواحی علاقہ کڑپہ میں واقع پولیس چیک پوسٹ پر نامعلوم شدت پسندوں نے حملہ کرکے چھوٹے اور بڑے ہتھیاروں سے فائرنگ کی جس کی زدمیں آکروہاں ڈیوٹی پرموجود سب انسپکٹر عنایت خان موقع پر شہید ہوگئے جبکہ پولیس کی بھر پور جوابی فائرنگ سے حملہ آور بھاگنے میں کامیبا ب ہوگئے۔

شہید سب انسپکٹر کا تعلق اورکزئی کے آخیل قبیلہ سے بتایاجاتا ہے۔ شہادت پانے والے پولیس سب انسپکٹر عنایت خان کی نمازجنازہ اورکزئی ہیڈکوارٹر کلایہ میں سرکاری اعزاز کے ساتھ ادا کردی گئی جس میں ڈپٹی کمشنر‘ ڈی پی او‘ دیگر اعلی عسکری و پولیس حکام اور مقامی عمائدین اور لواحقین نے شرکت کی۔یادرہے کہ چند روز قبل بھی اسی چیک پوسٹ پر حملہ ہواتھا تاہم اس میں کوئی جانی نقصان نہیں ہوا تھا اور پولیس نے جوابی فائرنگ کرکے حملہ ناکام بنادیا تھا۔