ایران نےاسرائیل کے لیے جاسوسی کے مرتکب شخص کو پھانسی دے دی

پیر 16 جون 2025 15:03

تہران (اُردو پوائنٹ اخبارتازہ ترین - اے پی پی۔ 16 جون2025ء) ایران نےاسرائیل کے لیے جاسوسی کے مرتکب شخص کو پھانسی دے دی۔اے ایف پی کے مطابق ایران کی عدلیہ نے پیر کو کہا ہے کہ اس نے 2023 میں گرفتار ایک جاسوس اسماعیل فکری کو پھانسی دے دی ہے، اسماعیل فکری کو اسرائیل کی موساد انٹیلی جنس ایجنسی کا جاسوس ہونے کے جرم میں سزا سنائی گئی تھی ۔

(جاری ہے)

ایرانی عدلیہ کی میزان آن لائن نیوز ویب سائٹ نے کہا کہ زمین پر بدعنوانی اور محربیہ (خدا کے خلاف جنگ کرنے) کے سنگین جرائم میں موساد کے ایک سزا یافتہ ایجنٹ اسماعیل فکری کو پھانسی دی گئی ہے ۔

میزان نے کہا کہ پھانسی تمام قانونی طریقہ کار مکمل ہونے کے بعد عمل میں لائی گئی اور سپریم کورٹ نے فیصلے کو برقرار رکھا۔ اتوار کو ایرانی میڈیا نے اطلاع دی کہ تہران کے مغرب میں البرز صوبے میں پولیس نے موساد سے تعلق کے شبہ میں مزید 2افراد کو گرفتار کیا ہے۔ بعد ازاں اسی دن اسرائیل نے کہا کہ اس نے ایران کی انٹیلی جنس سروسز کے لیے کام کرنے کے شبہ میں2شہریوں کو گرفتار کیا ہے۔