ایس ایس پی انویسٹی گیشن کی زیر صدارت ایس ڈی پی او گوجر خان سرکل،گوجر خان سرکل کے ایس ایچ اوز اور محرر سٹاف سے میٹنگ

پیر 16 جون 2025 23:03

راولپنڈی (اُردو پوائنٹ اخبارتازہ ترین - این این آئی۔ 16 جون2025ء)ایس ایس پی انویسٹی گیشن کی زیر صدارت پولیس لائنز میں ایس ڈی پی او گوجر خان سرکل،گوجر خان سرکل کے ایس ایچ اوز اور محرر سٹاف سے میٹنگ، ایس ایس پی انوسٹیگیشن نے افسران کی کارکردگی کا جائزہ لیا اور ہدایات دیں ۔

(جاری ہے)

تفصیلات کے مطابق ایس ایس پی انوسٹیگیشن کی زیر صدارت پولیس لائنز میں ایس ڈی پی او گوجر خان سرکل، گوجر خان سرکل کے ایس ایچ اوز اور محرر سٹاف سے میٹنگ کا انعقاد کیا گیا، ایس ایس پی انوسٹیگیشن نے افسران کی کارکردگی کا جائزہ لیا اور ہدایات دیں، ایس ایس پی انویسٹیگیشن کا کہنا تھا کہ سنگین مقدمات میں ملوث ملزمان کو جلد از جلد گرفتار کر کے اصل حقائق کی روشنی میں یکسو کیاجائے،سینیئر افسران سنگین مقدمات کی تفتیش کی خود نگرانی کریں،اشتہاری مجرمان اور ان کے سہولت کاروں کی خلاف کاروائیوں میں تیزی لائی جائے،منشیات کے ناسور کے خاتمے کے لیے منشیات سپائرز کے خلاف بھر پور کاروائیاں کی جائیں، مؤثر تفتیش،درست شہادت اور پیروی مقدمہ سے ملزمان کو قرار واقعی سزا دلوائی جا سکتی ہے، محرر تھانہ جات ریکارڈ کی تکمیل یقینی بنائیں،تھانہ میں آنے والے شہریوں سے خوش اخلاقی سے پیش آتے ہوئے ان کے مسائل ترجیحی بنیادوں پر حل کیے جائیں، راولپنڈی پولیس شہریوں کو سہولیات کی فراہمی کے ساتھ ساتھ جان و مال کے تحفظ کے لیے 24/7 مصروف عمل ہے۔