Live Updates

نوجوانوں کی فنی تربیت ،بلوچستان کلائمیٹ چینج فنڈز اور جامعات کیلئے 13ہزار500ملین روپے مختص کیے گئے ہیں ،صوبائی وزیر خزانہ

منگل 17 جون 2025 23:20

کوئٹہ (اُردو پوائنٹ اخبارتازہ ترین - اے پی پی۔ 17 جون2025ء) بلوچستان کے وزیر خزانہ میر شعیب نوشیروانی نے کہاہے کہ نوجوانوں کی فنی تربیت ،بلوچستان کلائمیٹ چینج فنڈز اور جامعات کیلئے 13ہزار500ملین روپے مختص کیے گئے ہیں ۔منگل کو بلوچستان اسمبلی کااجلاس سپیکر کیپٹن(ر)عبدالخالق اچکزئی کی زیر صدارت منعقد ہوا تو اجلاس میں بجٹ تقریر کرتے ہوئے صوبائی وزیر خزانہ میر شعیب نوشیروانی نے کہاکہ ہماری صوبائی حکومت نے پائیدار ترقی کے اہداف حاصل کرنے کے لئے یعنی ایس ڈی جیزکے تحت مالی سال 2025-26کے لئے قابل ذکر منصوبے اور ترقیاتی اِسکیمات رکھے گئے ہیں جن میں موجودہ صوبائی حکومت نے آئندہ مالی سال کے لئے جامع ترقیاتی وژن تشکیل دِیا ہے جس میں معیشت،تعلیم، صحت اور اِنفراسٹرکچر کے نظام کو مرکزی اہمیت حاصل ہے جس میں ڈیمز، سڑکیں، صنعتی زون، ٹرمینلز، ریل کے منصوبے، روزگار و معیشت کی فراوانی،مائیکرو فنانس اور زراعت وغیرہ شامل ہیں ۔

(جاری ہے)

اِسی طرح بلوچستان کے بے روزگار نوجوانوں کو فنی تربیت سے آراستہ کرنے کے لئے 5000ملین روپے مختص کیے جا رہے ہیں ۔اسی طرح صوبے میں ماحولیاتی اِقدامات کو بہتر بنانے کے لئے موجودہ صوبائی حکومت پہلی باربلوچستان کلائمیٹ چینج فنڈ کے تحت اِسپیشل فنڈ 500ملین روپے کی گرانٹ مختص کیا گیا ہے ۔ جامعات کو8000ملین روپے کی رقم بلوچستان کے تمام یونیورسٹیوں کے لئے مختص کی گئی ہے ۔ علاوہ ازیںفیڈرل گورنمنٹ یعنی HEC نے بھی 3000ملین روپے مختص کیے ہیں۔ بچت اِسکیم کے تحت موجودہ صوبائی حکومت کوئی نئی گاڑیاں نہیں خریدے گی صرف قانون نافِذ کرنے والے اداروں کی لئے جہاں ان کی ضرورت پڑے خریدی جائے گی ۔