امریکی صدر ڈونلڈ ٹرمپ کا ایران کی فضائی حدود کا مکمل کنٹرول حاصل کرنے کا دعوی

بدھ 18 جون 2025 01:00

واشنگٹن (اُردو پوائنٹ اخبارتازہ ترین - اے پی پی۔ 18 جون2025ء) امریکی صدر ڈونلڈ ٹرمپ نے ایران کی فضائی حدود کا مکمل کنٹرول حاصل کرنے کا دعوی کیا ہے۔

(جاری ہے)

امریکی صدر نے ٹروتھ سوشل میڈیا پر اپنی ایک پوسٹ میں کہا کہ ایران غیر مشروط طور پر سرنڈر کردے، ہمیں معلوم ہے کہ ایرانی سپریم لیڈر آیت اللہ خامنہ ای کہاں چھپے ہوئے ہیں، وہ ایک آسان ہدف ہیں، لیکن وہاں محفوظ ہیں، ہم کم از کم اس وقت انہیں ختم کرنے کا ارادہ نہیں رکھتے۔ صدر ٹرمپ نے کہا کہ ہم یہ بھی نہیں چاہتے کہ میزائل عام شہریوں یا امریکی فوجیوں پر داغے جائیں، ہمارا صبر ختم ہوتا جا رہا ہے۔