نوشہرہ ورکاں، نوشہرہ ورکاں میں مسلح راہزن شہری سے لاکھوں نقدی لوٹ کر فرار،مقدمہ درج

بدھ 18 جون 2025 14:17

نوشہرہ ورکاں (اُردو پوائنٹ اخبارتازہ ترین - اے پی پی۔ 18 جون2025ء) نوشہرہ ورکاں 125 موٹر سائیکل گینگ کی دن دیہاڑے دلیرانہ واردات، ساڑھے چار لاکھ روپے لوٹ لیے۔

(جاری ہے)

بتایاگیا ہے کہ دن دیہاڑے شہر کے وسط میں 125 موٹر سائیکل پر سوار دو مسلح ڈاکوؤں نے ایک اور دلیرانہ کارروائی کرتے ہوئے ساڑھے چار لاکھ روپے لوٹ لیے شرقی غلہ منڈی کا محمد شبیر مقامی بینک سے ساڑھے لاکھ رقم نکلواکر شرقی غلہ منڈی کی جانب روانہ ہوا،جہاں دو ملزمان نے گن پوائنٹ پر روک کر رقم چھین لی اور باآسانی فرار ہو گئے۔

شہری حلقوں نے شدید ردعمل کا اظہار کرتے ہوئے کہا کہ اب ڈاکو دیدہ دلیری سے شہر کے گنجان آباد علاقوں میں دن دیہاڑے وارداتیں کر رہے ہیں، اور پولیس صرف تفتیش کا دعویٰ کر کے خاموش ہو جاتی ہے۔عوامی حلقوں نے اعلیٰ پولیس حکام اور ضلعی انتظامیہ سے مطالبہ کیا ہے کہ نوشہرہ ورکاں میں بڑھتی ہوئی وارداتوں کا سختی سے نوٹس لیا جائے اور شہریوں کو تحفظ فراہم کیا جائے۔\378

Facebook Twitter Google + Share on Whatsapp

نوشہرہ ورکاں، نوشہرہ ورکاں میں مسلح راہزن شہری سے لاکھوں نقدی لوٹ کر فرار،مقدمہ درج

متعلقہ عنوان :

مزید قومی خبریں