Live Updates

ایران اسرائیل کشیدگی، یورپی وزرائے خارجہ کا تہران کیساتھ جوہری مذاکرات کا فیصلہ، مذاکرات کا آغاز جمعہ کو جینوا میں ہو گا

فرانس اور برطانیہ کے وزرائے خارجہ رواں ہفتے ایرانی ہم منصب کے ساتھ جوہری پروگرام پر اہم مذاکرات کریں گے، مذاکرات کیلئے امریکی رضا مندی شامل ہے، غیر ملکی خبر ایجنسی

فیصل علوی جمعرات 19 جون 2025 11:45

ایران اسرائیل کشیدگی، یورپی وزرائے خارجہ کا تہران کیساتھ جوہری مذاکرات ..

جنیوا(اردوپوائنٹ اخبار تازہ ترین۔19جون 2025)ایران اسرائیل کشیدگی کے خاتمے کیلئے یورپی وزرائے خارجہ کا تہران کیساتھ جوہری مذاکرات کا فیصلہ،مذاکرات کا آغاز جمعہ کو جینوا میں ہو گا،فرانس اور برطانیہ کے وزرائے خارجہ رواں ہفتے جمعہ کو جنیوا میں ایرانی ہم منصب کے ساتھ جوہری پروگرام پر اہم مذاکرات کریں گے،غیر ملکی خبر ایجنسی کے مطابق یورپی وزرائے خارجہ پہلے یورپی یونین کی اعلیٰ سفارتکار کایا کالاس سے جرمنی کے مستقل مشن پر ملاقات کریں گے جس کے بعد ایرانی وزیر خارجہ کے ساتھ مشترکہ اجلاس منعقد کیا جائے گا۔

خبر ایجنسی نے دعویٰ کیا کہ یورپی وزرائے خارجہ نے ایران سے جوہری مذاکرات کرنے کا فیصلہ کیا ہے اور ان مذاکرات کا آغاز جمعہ کو جینوا میں ہو گاجس میں برطانیہ، فرانس اور جرمنی کے وزرائے خارجہ مذاکرات کریں گے۔

(جاری ہے)

خبر ایجنسی کا مزید کہنا ہے کہ ایرانی وزیر خارجہ عباس عراقچی مذاکرات میں شریک ہوں گے۔ مذاکرات کیلئے امریکی رضا مندی شامل ہے۔یورپی سفارتی ذرائع کا کہنا ہے کہ اگر ایران تعاون پر آمادہ ہو جائے تو خطے میں کشیدگی کم کرنے کا موقع پیدا ہو سکتا ہے ورنہ حالات بگڑنے کا اندیشہ ہے۔

جرمن سفارتی ذرائع کا کہنا ہے کہ مذاکرات امریکہ کی ہم آہنگی کے ساتھ ہو رہے ہیں اور ان کا مقصد ایران سے سخت یقین دہانی حاصل کرنا ہے کہ وہ جوہری توانائی کا استعمال صرف پرامن سول مقاصدکیلئے کرے گا۔ مذاکرات کے بعد ماہرین کی سطح پر ''اسٹرکچرڈ ڈائیلاگ'' بھی ترتیب دیا گیا ہے۔یورپی سفارتی ذرائع کا کہنا ہے کہ اگر ایران تعاون پر آمادہ ہو جائے تو خطے میں کشیدگی کم کرنے کا موقع پیدا ہو سکتا ہے ورنہ حالات بگڑنے کا اندیشہ ہے۔

ایران اسرائیل جنگ کے معاملہ کو بات چیت سے حل کرنے کی کوشش جاری ہیں جس کیلئے یورپی وزرائے خارجہ کا تہران کیساتھ جوہری مذاکرات کا فیصلہ کیاہے۔اسرائیل کا مؤقف ہے کہ وہ تہران کی جوہری ہتھیار بنانے کی صلاحیت کو ختم کرنا چاہتا ہے جبکہ ایران مسلسل اس بات کی تردید کرتا رہا ہے کہ اس کا جوہری پروگرام عسکری نوعیت کا ہے۔دوسری جانب ادھرایرانی نائب وزیر خارجہ ماجد تخت روانچی کا کہنا ہے کہ ہم جوہری ہتھیاروں پر یقین نہیں رکھتے۔ امریکہ اسرائیل کے ساتھ جنگ میں شامل ہوا تو ہمارے پاس جوابی کارروائی کے سوا کوئی راستہ نہیں ہوگا۔