عہد سازمزاح نگارمشتاق احمد یوسفی کو بچھڑے سات برس بیت گئے

جمعہ 20 جون 2025 21:11

کراچی(اُردو پوائنٹ اخبارتازہ ترین - آن لائن۔ 20 جون2025ء) اردو زبان کے نہایت مقبول ادیب اورعہد ساز مزاح نگار مشتاق احمد یوسفی کو ہم سے بچھڑے 7برس بیت گئے ، مشتاق احمد یوسفی ایک صاحب طرز طنز و مزاح نگار تھے، انہوں نے 1955 میں صنفِ لاغر کے نام سے مضمون لکھ کر مزاح نگاری کا آغاز کیا، جو مشہور رسالے سویرا میں شائع ہوا اور پھر یہ سلسلہ جاری رہا، مشتاق احمد یوسفی کئی کتابوں کے مصنف تھے،ان میں چراغ تلے، خاکم بدہن، زرگزشت اور آبِ گم بہت مقبول ہیں۔

(جاری ہے)

مقبول ادیب مشتاق احمد یوسفی کی مزاح نگاری کی ایک خاص خوبی یہ ہے کہ اس میں فقرے بازی اور پھکڑ پن نہیں ہے بلکہ شائستہ مذاق، شوخی اور شگفتگی پائی جاتی ہے۔خاکم بدہن اور زرگزشت پر مشتاق احمد یوسفی کو آدم جی ایوارڈ سے نوازا گیا، اس کے علاوہ انہیں ہلالِ امتیاز، ستارہ امتیاز اورپاکستان اکیڈمی آف لیٹرز ایوارڈبھی دیا گیا، وہ طویل علالت کے بعد 20 جون 2018 کو کراچی میں انتقال کر گئے تھے۔ان کے لطیف فقرے، جملے اور عبارتیں پڑھنے والوں کو ہمیشہ محظوظ کرتے رہیں گے۔

Facebook Twitter Google + Share on Whatsapp

عہد سازمزاح نگارمشتاق احمد یوسفی کو بچھڑے سات برس بیت گئے

متعلقہ عنوان :

مزید فن و فنکار کی خبریں