گزشتہ چوبیس گھنٹوں کے دوران پنجاب بھرمیں 1353ٹریفک حادثات میں 10افراد جاں بحق، 1591 زخمی ہوئے، ریسکیو 1122

جمعہ 20 جون 2025 21:54

لاہور (اُردو پوائنٹ اخبارتازہ ترین - اے پی پی۔ 20 جون2025ء) گزشتہ چوبیس گھنٹوں کے دوران پنجاب بھرمیں 1353ٹریفک حادثات میں 10افراد جاں بحق، 1591 زخمی ہوئے۔

(جاری ہے)

ایمرجنسی سروسزڈیپارٹمنٹ نے گذ شتہ 24گھنٹوں کے دوران پنجاب بھر میں 1353ٹریفک حادثات پر ریسپانڈ کیا ،جن میں 717افراد شدید زخمی ہوگئے جنہیں فوری طور پر نزدیکی ضلعی و تحصیل کے ہسپتالوں میں منتقل کیا گیا، 874معمولی زخمی لوگوں کو ریسکیومیڈیکل ٹیموں کے جائے حادثہ پر بروقت طبی امداد فراہم کرنے کی وجہ سے ہسپتالوں پر بوجھ بھی کم ہوا، ان حادثات میں زیادہ تر تعداد (73فیصد)موٹر سائیکلز حادثات کی ہے ۔

اعدادو شمار سے ظاہر ہوتا ہے کہ222ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی دارالحکومت 280 متاثرین کے ساتھ پہلے، فیصل آباد 114حادثات میں 130متاثرین کے ساتھ دوسر ے جبکہ ملتان 73حادثات میں 82متاثرین کے سا تھ تیسرے نمبرپررہا۔