Live Updates

کسی بھی صورت میں اپنی جوہری سرگرمیوں کو صفر پر نہیں لائیں گے، ایرانی صدر کا دوٹوک اعلان

اتوار 22 جون 2025 12:40

تہران(اُردو پوائنٹ اخبارتازہ ترین - این این آئی۔ 22 جون2025ء)ایران کے صدر پزشکیان نے کہاہے کہ ایران کسی بھی حال میں اپنے جوہری پروگرام کو مکمل طور پر ختم نہیں کرے گا۔میڈیارپورٹس کے مطابق ایک بیان میں انہوں نے کہاکہ ہم کسی بھی صورت میں اپنی جوہری سرگرمیوں کو صفر پر نہیں لائیں گے اور اگر صہیونی ریاست نے جارحیت جاری رکھی تو ہمارا ردعمل اور زیادہ سخت ہوگا۔

جنگ اور دھمکی سے حقوق نہیں چھینے جا سکتی صدر ایران کا کہنا تھا کہ حقوق کو جنگ اور دھمکیوں سے سلب نہیں کیا جا سکتا۔

(جاری ہے)

فرانسیسی صدر عمانویل میکروں نے بھی بزشکیان سے ٹیلیفون پر گفتگو کے بعد کہا کہ وہ ایران اور اسرائیل کے درمیان جاری تنازع کے سفارتی حل کے لیے کوشاں ہیں۔ انہوں نے پلیٹ فارم ایکس پر لکھا کہ مجھے یقین ہے کہ جنگ کے خاتمے اور بڑے خطرات سے بچائو کا ایک راستہ موجود ہے۔میکروں نے یہ بھی بتایا کہ وہ اور ان کے یورپی شراکت دار ایران کے ساتھ مذاکرات کی رفتار کو تیز کرنے کا ارادہ رکھتے ہیں۔ان کا کہنا تھا کہ ایران کو جوہری ہتھیار حاصل نہیں کرنے چاہئیں، اور اس بات کی مکمل ضمانت دینا ایران کی ذمہ داری ہے کہ اس کا پروگرام پرامن مقاصد کے لیے ہے۔