عمان ،نئے ہجری سال کی خوشی میں 29 جون کو چھٹی کا اعلان

ماہ محرم کا چاند دیکھنے کا اعلان متعلقہ ادارے بعد میں کریں گے،مقامی میڈیا

اتوار 22 جون 2025 16:20

مسقط(اُردو پوائنٹ اخبارتازہ ترین - این این آئی۔ 22 جون2025ء)سلطنت عمان میں 29 جون 2025 بروز ہفتہ کو نئے ہجری سال 1447ھ اور نبی کریم ﷺ کی ہجرت کی یادگار کے موقع پر سرکاری اور نجی شعبے کے ملازمین کے لیے سرکاری تعطیل کا اعلان کیا گیا ہے۔

(جاری ہے)

میڈیارپورٹس کے مطابق یہ اعلان وزارت محنت کی جانب سے جاری کردہ فیصلے میں کیا گیا، جس میں مزید کہا گیا ہے کہ ماہ محرم کا چاند دیکھنے کا اعلان متعلقہ ادارے بعد میں کریں گے۔وزارت نے یہ بھی واضح کیا ہے کہ اگر کسی ادارے کی نوعیت ایسی ہو جس کے تحت ملازمین کو اس دن کام پر بلایا جائے، تو ادارے ملازمین سے باہمی رضامندی کے تحت کام لے سکتے ہیں بشرطیکہ انہیں اس تعطیل کا معقول معاوضہ دیا جائے۔