ضلع مانسہرہ کے تمام تھانوں کی حدود میں سرچ اینڈ سٹرائیک آپریشنز

پیر 23 جون 2025 16:15

مانسہرہ (اُردو پوائنٹ اخبارتازہ ترین - اے پی پی۔ 23 جون2025ء) ڈسٹرکٹ پولیس آفیسر (ڈی پی او ) مانسہرہ شفیع اللہ گنڈا پور کے احکامات کی روشنی میں ضلع مانسہرہ کے تمام تھانوں کی حدود میں سکیورٹی مزید مؤثر بنانے کے لیے وسیع پیمانے پر سرچ اینڈ سٹرائیک آپریشنز کا انعقادکیا گیا۔

(جاری ہے)

ضلع بھر میں امن و امان کی فضاء کو برقرار رکھنے کیلئے ان آپریشنز کی نگرانی ایس پیز کر رہے تھےجبکہ ایس ڈی پی اوز اور ایس ایچ اوز نےلیڈیز پولیس اور دیگر نفری کے ہمراہ اپنے اپنے علاقے میں ہونے والے ان آپریشنز میں بھرپور حصہ لیا۔

سرچ آپریشنز کے دوران بڑی مقدار میں غیر قانونی اسلحہ برآمد کیا گیا جبکہ متعدد مشتبہ افراد کو تفتیش کے لیے تھانوں میں طلب کیا گیا۔ غیر قانونی طور پر رہائش پذیر کرایہ داروں کے خلاف بھی سخت قانونی کارروائیاں کی گئیں۔