لاہور،ڈیفنس فیکٹری ایریا میں مبینہ مقابلے میں 2زیر حراست ملزمان ہلاک

منگل 30 ستمبر 2025 13:33

لاہور (اُردو پوائنٹ اخبارتازہ ترین - این این آئی۔ 30 ستمبر2025ء) کرائم کنٹرول ڈیپارٹمنٹ کے ساتھ ڈیفنس کے فیکٹری ایریا میں مبینہ مقابلے کے دوران 2زیر حراست ملزمان ہلاک ہو گئے۔

(جاری ہے)

پولیس کے مطابق ملزمان کو باب پاکستان ریکوری کے لیے لے جایا جا رہا تھا کہ فائرنگ کے تبادلے میں دونوں ملزمان اپنے ساتھیوں کی فائرنگ سے ہلاک ہو گئے۔ہلاک ہونے والے ملزمان کی شناخت نفیس اور سلمان کے نام سے ہوئی۔ سی سی ڈی کا کہنا ہے کہ ہلاک ملزمان ڈکیتی، راہزنی اور دیگر سنگین وارداتوں میں ملوث تھے۔