قومی اسمبلی سیکرٹریٹ میں آئندہ بھرتیاں اشتہار جاری کر کے کی جائیں گی، پچاس فیصد کوٹہ خواتین کیلئے مختص ہو گا، سپیکرایاز صادق

پیر 23 جون 2025 17:58

اسلام آباد (اُردو پوائنٹ اخبارتازہ ترین - اے پی پی۔ 23 جون2025ء) سپیکر قومی اسمبلی سردار ایاز صادق نے کہا ہے کہ قومی اسمبلی سیکرٹریٹ میں آئندہ بھرتیاں اشتہار جاری کر کے کی جائیں گی اور ان میں پچاس فیصد کوٹہ خواتین کیلئے مختص ہو گا، ان کی خواہش ہے کہ ہر جماعت کے پارلیمانی لیڈرز کے لئے پارلیمنٹ ہائوس میں آفس ہونے چاہئیں، پارلیمنٹ لاجز دو ماہ میں مکمل ہوں گے۔

(جاری ہے)

پیر کو زرتاج گل کی طرف سے اٹھائے گئے نکات کا جواب دیتے ہوئے انہوں نے کہا کہ رولز میں تبدیلی کی وجہ سے سپیکر کے پاس کوئی صوابدیدی اختیارات نہیں ہوں گے۔1300 ملازمین ہیں اور اب نئی ملازمتیں باقاعدہ مشتہر کرکے ان میں50 فیصد کوٹہ خواتین کے لئے مختص ہوگا۔انہوں نے بتایا کہ فنانس کمیٹی نے 3 ارب روپے کی بچت کی۔