میزبان و اداکار یاسرنواز کے بھائی وقار نواز انتقال کر گئے

یاسر نواز نے اپنے بھائی کے انتقال کی خبرانسٹا گرام اسٹوری کے ذریعے دی، نماز جنازہ آج ادا کی جائیگی ، یاسر نواز کی مداحوں سے اپنے بھائی کی مغفرت کی دعا کرنے کی اپیل

فیصل علوی منگل 24 جون 2025 16:01

میزبان و اداکار یاسرنواز کے بھائی وقار نواز انتقال کر گئے

کراچی(اردوپوائنٹ اخبار تازہ ترین۔24جون 2025)پاکستانی میزبان اور اداکار یاسر نواز کے بھائی وقار نواز انتقال کر گئے، یاسر نواز نے انسٹاگرام اسٹوری کے ذریعے یہ خبردیتے ہوئے بتایاکہ ان کے بھائی وقار نواز انتقال کر گئے ہیں جن کی نماز جنازہ آج ادا کی جائیگی،اداکار یاسر نوازنے اپنے چھوٹے بھائی دانش نواز اور ڈاکٹر فراز نواز کو بھی اپنی انسٹا اسٹوری پر ٹیگ کیا۔

(جاری ہے)

مشہور میزبان و اداکارہ ندا یاسر کے شوہر یاسر نواز نے غم کا اظہار کرتے ہوئے اپنے بھائی کی مغفرت کی دعا کی اور مداحوں سے ان کی مغفرت کی دعا کرنے کی اپیل کی ہے لیکن ان کی جانب سے بھائی کے انتقال کی وجہ بتانے سے گریز کیا گیا ہے۔ مداح یاسر نواز کے بھائی کے انتقال پر افسوس کا اظہار کرتے ہوئے ان کے گھر والوں کیلئے صبر کی دعا کر رہے ہیں۔اداکاریاسر نواز پاکستانی فلمساز، پروڈیوسر، سکرین رائٹر، اداکار اور سابق ماڈل ہیں جنہوں نے فلم ’رانگ نمبر‘ اور اس کے سیکوئل کی ہدایت کاری کی۔