آر پی او کی زیرِ صدارت پولیس کے ترقیاتی منصوبوں پر پیش رفت بارے جائزہ اجلاس کا انعقاد

منگل 24 جون 2025 17:43

سرگودھا (اُردو پوائنٹ اخبارتازہ ترین - اے پی پی۔ 24 جون2025ء) ریجنل پولیس آفیسرسرگودھا محمد شہزاد آصف خان کی زیر صدارت ریجنل پولیس آفس میں ریجن بھر میں پولیس کے ترقیاتی منصوبوں پر پیش رفت کے حوالے سے جائزہ اجلاس کا انعقاد کیا گیا۔

(جاری ہے)

اجلاس میں ڈسٹرکٹ پولیس آفیسرسرگودھا محمد صہیب اشرف، سپرنٹنڈنگ انجینئر بلڈنگ سرگودھا سرکل امانت علی ، پرنسپل پولیس ٹریننگ سکول، ایس پی ہائی وے پٹرول طارق چیمہ اور ایس پی آپریشنز سیف سٹی جبکہ خوشاب، میانوالی اور بھکر کے ڈسٹرکٹ پولیس آفیسرز نے بذریعہ ویڈیو لنک شرکت کی۔

اجلاس میں ترقیاتی منصوبوں میں ہونے والی پیش رفت کا تفصیلی جائزہ لیا گیا۔ ریجنل پولیس آفیسر محمد شہزاد آصف خان نے جاری منصوبوں کو جلد از جلد مکمل کرنے کی ہدایت جاری کی۔ انہوں نے سپرنٹنڈنگ انجینئر بلڈنگ سرگودھا سرکل امانت علی کو ہدایت کی کہ جاری تمام ترقیاتی منصوبہ جات میں کسی قسم کی کوتاہی نہیں برتی جانی چاہیئے اور تمام منصوبہ جات کو بروقت تکمیل تک پہنچایا جائے اور اس حوالے سے معیار پر کوئی سمجھوتہ نہیں کیا جائے گا۔