تجارتی نمائش آئی ایس پی او 2025 میں شرکت کے لئے درخواستیں10جولائی تک جمع کرائی جاسکتی ہیں ،ٹی ڈی اے پی

بدھ 25 جون 2025 14:24

اسلام آباد (اُردو پوائنٹ اخبارتازہ ترین - اے پی پی۔ 25 جون2025ء) ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ جرمنی میں30نومبر سے ہونے والی بین الاقوامی تجارتی نمائش ’’ آئی ایس پی او 2025 ‘‘میں شرکت کے لئے 10جولائی تک درخواستیں جمع کرائی جاسکتی ہیں ۔

(جاری ہے)

ٹی ڈی اے پی کے مطابق نمائش جرمنی میں 30 نومبر سے2 دسمبر تک جاری رہے گی جس میں سپورٹس وئیر ،مارشل آرٹس ، ونٹر سپورٹس ، سپورٹس شوز ، فٹنس کا سامان ، فیبرکس ، سکی سروسنگ ڈیوائسس اور دستانوں سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔ نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں ۔