سوشل میڈیا پر وائرل 1000کا نیا کرنسی نوٹ جعلی قرار

جمعرات 26 جون 2025 18:25

لاہور (اُردو پوائنٹ اخبارتازہ ترین - این این آئی۔ 26 جون2025ء) سوشل میڈیا پر وائرل ویڈیوز اور تصاویر میں دکھائے جانے والے نئی1000روپے کے کرنسی نوٹ کے حوالے سے اسٹیٹ بینک آف پاکستان نے وضاحت جاری کرتے ہوئے اس کو مکمل طور پر بے بنیاد اور جعلی قرار دیدیا۔ٹک ٹاک، فیس بک اور انسٹاگرام پر گردش کرتی ویڈیوز میں ایک ’’نئے ڈیزائن‘‘ والے ہزار روپے کے نوٹ کو اسٹیٹ بینک کا نیا اجراء قرار دیا جا رہا ہے۔

ان ویڈیوز کو ایک کروڑ سے زائد بار دیکھا جا چکا ہے۔ سوشل میڈیا صارف کا دعوی کرتے ہوئے کہنا ہے کہ اس نے یہ نوٹ 2024میں خود ڈیزائن کیا تھا جس سے اس کی اصلیت پر مزید سوالات اٹھ کھڑے ہوئے ہیں۔اسٹیٹ بینک آف پاکستان نے سوشل میڈیا پر جاری کردہ وضاحتی بیان میں کہا کہ سوشل میڈیا پر گردش کرنے والا ہزار روپے کا نیا نوٹ جعلی ہے۔

(جاری ہے)

اسٹیٹ بینک نے ایسا کوئی نوٹ جاری نہیں کیا۔

بینک کے مطابق نئے کرنسی نوٹ کے اجراء کی صورت میں باضابطہ اعلان کیا جاتا ہے جو اسٹیٹ بینک کی ویب سائٹ، سوشل میڈیا اور مین اسٹریم میڈیا کے ذریعے عوام تک پہنچایا جاتا ہے۔اسٹیٹ بینک نے عوام سے اپیل کی ہے کہ سوشل میڈیا پر چلنے والی غیر مصدقہ معلومات پر یقین نہ کریں۔صرف تصدیق شدہ ذرائع سے ہی معلومات حاصل کریں۔ان کا مزید کہنا تھا کہ جعلی نوٹوں کی شناخت اور اطلاع کیلئے اسٹیٹ بینک کی ہیلپ لائن یا قریبی برانچ سے رجوع کریں۔یاد رہے کہ اگر اسٹیٹ بینک کبھی کوئی نیا کرنسی نوٹ جاری کرتا ہے تو وہ قانونی طور پر شائع شدہ گزٹ میں شامل ہوتا ہے۔میڈیا بریفنگ اور پریس ریلیز کے ذریعے اس کی تفصیلات جاری کی جاتی ہیں۔سکیورٹی فیچرز، رنگ، ڈیزائن اور سیریل نمبرز کی وضاحت کی جاتی ہے۔

Facebook Twitter Google + Share on Whatsapp

سوشل میڈیا پر وائرل 1000کا نیا کرنسی نوٹ جعلی قرار

متعلقہ عنوان :

مزید اہم خبریں