محمد نوازشریف زرعی یونیورسٹی میں "انسداد منشیات اور غیر قانونی اسمگلنگ کے عالمی دن پر آگاہی سیمینار

جمعرات 26 جون 2025 19:29

ملتان (اُردو پوائنٹ اخبارتازہ ترین - اے پی پی۔ 26 جون2025ء) محمد نواز شریف یونیورسٹی آف ایگریکلچر، ملتان میں انسداد منشیات اور غیر قانونی اسمگلنگ کے عالمی دن کے موقع پر آگاہی سیمینار کا انعقاد کیا گیا۔ اس تقریب کا مقصد طلبہ میں منشیات کے مضر اثرات سے متعلق شعور اجاگر کرنا اور "ڈرگ فری کیمپس" کے وژن کو فروغ دینا تھا۔

(جاری ہے)

سیمینار کی صدارت ڈائریکٹر اسٹوڈنٹ افیئرز، ڈاکٹر محمد عثمان جمشید نے کی،ڈاکٹر عثمان جمشید نے کہا کہ ایک صاف، محفوظ اور مثبت تعلیمی ماحول فراہم کرنا ہماری اولین ترجیح ہے۔

منشیات ایک ناسور ہے جو نوجوانوں کی توانائی اور مستقبل کو دیمک کی طرح چاٹتا ہے۔ انہوں نے کہا کہ محمد نواز شریف یونیورسٹی آف ایگریکلچر، ملتان بطور ادارہ ہر ممکن اقدامات کر رہا ہے تاکہ ہمارا کیمپس اسی طرح مکمل طور پر ڈرگ فری رہے۔صدر روور سکاؤٹ یونٹڈاکٹر عامر بختاور نے طلبہ سے خطاب کرتے ہوئے کہا کہ روور اسکاوٹس کی سرگرمیاں ہمیشہ مثبت معاشرتی تبدیلی کا باعث رہی ہیں۔ ہم نے سوشل میڈیا مہمات کے ذریعے منشیات کے خلاف مؤثر پیغام پہنچایا ہے۔