وزیراعلیٰ ، کورکمانڈر بلوچستان و دیگر اعلیٰ سول و عسکری عہدیداروں کی وڈھ آمد، میر عطاء الرحمان مینگل کی شہادت پر لواحقین سے تعزیت کا اظہار کیا

جمعرات 26 جون 2025 19:30

وڈھ/خضدار(اُردو پوائنٹ اخبارتازہ ترین - این این آئی۔ 26 جون2025ء) سابق وزیراعلیٰ بلوچستان میر محمد نصیر مینگل کے فرزند میر شفیق الرحمان مینگل میرحمود الرحمان مینگل کے بھائی میر مطیع الرحمٰن مینگل کے والد میر عطاء الرحمان مینگل کی شہادت پر وزیراعلیٰ بلوچستان میر سرفراز بگٹی کور کمانڈر بلوچستان لیفٹیننٹ جنرل راحت نسیم نے جمعرات کے روز ان کی رہائشگاہ وڈھ باڈڑی جاکر تعزیت کا اظہار کیا۔

(جاری ہے)

اس موقع پر صوبائی وزیر میر عاصم کرد گیلو کمشنر قلات ڈویڑن شاہزیب خان کاکڑ ڈپٹی کمشنر خضدار یاسر اقبال دشتی ، سردار حیات خان ساجدی یڈسٹرکٹ وائس چیئرمین حاجی محمد اقبال مینگل میر شہباز خان قلندرانی میر فدا احمد خان قلندرانی میر محمد خان رئیسانی میر محمد اقبال رئیسانی سردار زادہ میر شہزاد غلامانی میر منیر احمد مینگل میر مسعود احمد مینگل میر عتیق الرحمان ساجدی میر یاسر مینگل مولانا تاج محمد مینگل سمیت سینکڑوں قبائلی عمائدین، سیاسی و سماجی رہنماء اور عام شہری موجود تھے۔

وزیراعلیٰ بلوچستان سرفراز بگٹی کورکمانڈر بلوچستان لیفٹیننٹ جنرل رحت نسیم نے لواحقین سے تعزیت کا اظہار کیا دعائے مغفرت کی اور کافی دیر تک وڈھ باڈڑی میں وقت گزارا۔ جب کہ انہوں نے ظہرانے میں بھی شرکت کی۔