چھتیس گڑھ: بھارتی فورسز کے اہلکاروں نے 2 قبائلی خواتین کو قتل کر دیا

جمعرات 26 جون 2025 19:50

نارائن پور (اُردو پوائنٹ اخبارتازہ ترین - اے پی پی۔ 26 جون2025ء) بھارت کی ریاست چھتیس گڑھ میں بھارتی فورسز کے اہلکاروں نے 2 قبائلی خواتین کو قتل کر دیاہے۔

(جاری ہے)

کشمیرمیڈیاسروس کے مطابق دونوں خواتین کو بھارتی فورسز کے ڈسٹرکٹ ریزرو گارڈاور سپیشل ٹاسک فورس کے اہلکاروں نے ضلع نارائن پور کے علاقے ابوجماد میں کوہک میٹا پولیس سٹیشن کی حدود میں محاصرے اور تلاشی کی کارروائی کے دوران ایک جعلی مقابلے میں قتل کیا۔ڈسٹرکٹ ریزروگارڈ کے اہلکاروں نے قبائلی خواتین کونکسل باغیوں کا ساتھی قرار دیکر قتل کیا ۔ علاقے میں تلاشی اور محاصرے کی کارروائی مسلسل جاری ہے ۔