گ*ضلعی انتظامیہ لاہور کی بارشوں کے پیش نظر ہنگامی اقدامات، شہریوں کی حفاظت یقینی

ؔمزید بارش کی پیشگوئی، ضلعی انتظامیہ الرٹ، شہریوں سے غیر ضروری سفر سے گریز کی اپیل، حفاظتی تدابیر پر زور

جمعرات 26 جون 2025 21:15

لاہور (اُردو پوائنٹ اخبارتازہ ترین - آن لائن۔ 26 جون2025ء) ضلعی انتظامیہ لاہور نے بارشوں کے پیش نظر شہر بھر میں ہنگامی اقدامات شروع کر دیے ہیں۔ ڈپٹی کمشنر لاہور سید موسیٰ رضا کی قیادت میں انتظامیہ فیلڈ میں متحرک ہے اور شہریوں کی حفاظت کو یقینی بنانے کے لیے پوری تندہی سے کام کر رہی ہے۔ مزید بارش کی پیشگوئی کے پیش نظر تمام متعلقہ اداروں کو الرٹ کر دیا ہے۔

نکاسی آب کے نظام کو بہتر بنانے اور اربن فلڈنگ کے خطرے سے نمٹنے کے لیے خصوصی انتظامات کیے گئے ہیں۔

(جاری ہے)

نشیبی علاقوں میں پانی کی نکاسی پر خاص توجہ دی جا رہی ہے تاکہ شہریوں کو کسی پریشانی کا سامنا نہ کرنا پڑے۔ ڈپٹی کمشنر لاہور سید موسیٰ رضا کے مطابق، تمام ضروری اقدامات مکمل کر لیے گئے ہیں اور ریسکیو ٹیمیں ہر وقت تیار ہیں۔ شہریوں سے اپیل کی گئی ہے کہ وہ بارش کے دوران غیر ضروری سفر سے گریز کریں اور بجلی کے کھمبوں سے محفوظ فاصلہ رکھیں تاکہ کسی ناخوشگوار واقعے سے بچا جا سکے۔ ہنگامی صورتحال میں شہری 1122 پر رابطہ کر سکتے ہیں۔ انتظامیہ کا کہنا ہے کہ شہریوں کی سہولت اور تحفظ ان کی اولین ترجیح ہے، اور اس مقصد کے لیے تمام وسائل بروئے کار لائے جا رہے ہیں۔