محرم الحرام کا چاند نظر آگیا، یوم عاشور 6جولائی اتوار کو ہوگا

جمعرات 26 جون 2025 21:55

کوئٹہ(اُردو پوائنٹ اخبارتازہ ترین - این این آئی۔ 26 جون2025ء)محرم الحرام 1447ھ کا چاند نظر آگیا، (آج)جمعہ کو یکم محرم الحرام ہوگی۔کوئٹہ میں چیئرمین مرکزی رویت ہلال کمیٹی مولانا عبدالخبیر آزاد نے پریس کانفرنس کرتے ہوئے چاند کی رویت کا اعلان کیا۔

(جاری ہے)

ان کا کہنا تھا کہ محرم الحرام 1447ھ کا چاند نظر آگیا، یکم محرم الحرام آج جمعہ 27جون کو ہوگی، یوم عاشور 6 جولائی اتوار کو ہوگا۔محرم الحرام کا چاند دیکھنے کیلئے چیئرمین مولانا عبدالخبیر آزاد کی زیر صدارت مرکزی رویت ہلال کمیٹی کا اجلاس کوئٹہ میں ہوا۔اس سے قبل اسپارکو حکام نے کوئٹہ میں موسم گرد آلود ہے، موسم بہتر ہونے پر محرم کا چاند نظر آنے کا امکان ظاہر کیا تھا۔