حج 2026 کیلئے عازمین کی رجسٹریشن شروع، رجسٹریشن کیلئے کوئی فیس ادا نہیں کرنی ہوگی، وزارت مذہبی امور

رجسٹریشن 9 جولائی تک جاری رہے گی،رجسٹریشن کروانے والے درخواست گزار ہی حج 2026 کے اہل تصور ہوں گے، سرکاری اور نجی سکیموں کیلئے عازمین حج کی رجسٹریشن لازمی قرار دی گئی ہے

فیصل علوی جمعہ 27 جون 2025 12:55

اسلام آباد(اردوپوائنٹ اخبار تازہ ترین۔27جون 2025)حج 2026 کیلئے عازمین کی رجسٹریشن شروع،رجسٹریشن کیلئے کوئی فیس ادا نہیں کرنی ہوگی،رجسٹریشن 9 جولائی تک جاری رہے گی،رجسٹریشن کروانے والے درخواست گزار ہی حج 2026 کے اہل تصور ہوں گے،سرکاری اور نجی سکیموں کیلئے عازمین حج کی رجسٹریشن لازمی قرار دی گئی ہے۔اس حوالے سے وزارت مذہبی امور نے کہا ہے کہ حج 2026 کی رجسٹریشن کیلئے کوئی فیس نہیں ہے۔

حج کیلئے قبل از وقت رجسٹریشن کرانا لازمی ہے۔حج رجسٹریشن ملک بھرمیں منظور شدہ 15 بینکوں سے کرائی جا سکتی ہے۔رجسٹریشن کے بعد عازمین سرکاری یا نجی حج سکیم منتخب کر سکیں گے۔بیرون ملک مقیم پاکستانیوں کیلئے بھی رجسٹریشن کرانا لازمی ہے۔وزارت مذہبی امور کے مطابق حج 2026 کیلئے قبل ازوقت رجسٹریشن کرانا لازمی ہے۔

(جاری ہے)

حج رجسٹریشن ملک بھر میں منظور شدہ بینکوں سے کرائی جا سکتی ہے۔

حج رجسٹریشن کے بعد عازمین سرکاری یا نجی حج سکیم منتخب کر سکیں گے۔رواں برس پرائیویٹ سکیم سے رہ جانے والے عازمین کیلئے بھی رجسٹریشن لازمی ہو گی۔حج رجسٹریشن سعودی عرب کی ہدایت پر کی جا رہی ہے۔حج رجسٹریشن کے اعداد و شمار سے سعودی حکومت کو آگاہ کیا جائے گا۔رجسٹریشن کی بنیاد پر سعودی عرب حکومت حج کوٹہ مقرر کرے گی۔واضح رہے کہ اس سے قبل وزارت مذہبی امور نے عازمین حج کی رجسٹریشن شروع کرنے کا فیصلہ کیا تھا۔

وزارت مذہبی امور کے مطابق آئندہ حج کیلئے سعودی حکومت کی ہدایات کی روشنی میں نئی حج پالیسی تیار کی جائے گی اور اس سلسلے میں عازمین حج کی رجسٹریشن شروع کرنے کی تیاریاں شروع کر دیں تھیں۔یہ بھی بتایاگیاتھا کہ رجسٹریشن کی درخواستوں کے ہمراہ مخصوص رقم(ٹوکن منی) جمع کرانی ہوگی۔ٹوکن منی مجموعی حج اخراجات میں شامل(ایڈجسٹ)کر لی جائے گی۔حج رجسٹریشن کے بعد عازمین سرکاری یا نجی حج سکیم منتخب کر سکیں گے۔