لک افریقا پالیسی کے تحت براعظم 8 ملکوں سے تجارت بڑھانے میں مدد ملے گی، صدرفیصل آباد چیمبر

جمعہ 27 جون 2025 16:16

فیصل آباد (اُردو پوائنٹ اخبارتازہ ترین - اے پی پی۔ 27 جون2025ء) فیصل آباد چیمبرآف کامرس اینڈانڈسٹریز کے صدر ریحان نسیم بھراڑہ نے اس امر کو انتہائی خوش آئند قرار دیا ہے کہ پاکستان کی وزارت کامرس بہت جلد ایک ایگریمنٹ سائن کر رہی ہے جس کے تحت لک افریقا پالیسی کے ذریعے کینیا سمیت 8 افریقی ملکوں کو تجارت بڑھانے میں مدد ملے گی۔

(جاری ہے)

ایک تقریب سے خطاب میں انہوں نے کہا کہ پاکستان بھاری مقدار میں چائے اور کافی کینیا سے درآمد کر رہا ہے لہٰذا کینیا کے سرمایہ کاروں کو پاکستان میں اس کی پیداوار شروع کرنے کا جائزہ لینا چاہیے۔

انہوں نے کینیا کی طرف سے پاکستانی برآمدات پر بھاری ٹیرف کا ذکرکرتے ہوئے کہا کہ کینیا حکومت کو خاص طور پر کنفکشنری کے موجودہ ٹیرف پر نظر ثانی کرنی چاہیے۔ انہوں نے دونوں ملکوں کی بزنس کمیونٹی کے درمیان براہ راست رابطوں کو فروغ دینے پر بھی زور د یتے ہوئے کہا کہ بعض پاکستانی بینک کینیا ئی بینکوں کی ایل سی کو قبول نہیں کرتے جس کا جائزہ لینے کی ضرورت ہے۔