بورڈ آف گورنرز نے تعلیمی بورڈ ملتان کے لئے 2 ارب85 کروڑ60 لاکھ روپے کے بجٹ کی منظوری دیدی

ہفتہ 28 جون 2025 15:54

ملتان (اُردو پوائنٹ اخبارتازہ ترین - اے پی پی۔ 28 جون2025ء) کمشنر ملتان ڈویژن عامر کریم خاں کی زیر صدارت ملتان تعلیمی بورڈ کے بورڈ آف گورنرز کا اجلاس ہوا۔ہفتہ کو منعقدہ اجلاس میں بورڈ آف گورنرز نے تعلیمی بورڈ ملتان کے لئے 2 ارب85 کروڑ60 لاکھ روپے کے بجٹ کی منظوری دیدی ۔2025-26کے بجٹ میں متعدد ترقیاتی سکیموں کی بھی منظوری دی گئ ۔

(جاری ہے)

تعلیمی بورڈ ملتان میں سولر پینل انسٹال کرنے اور سیکریسی ہال تعمیر کرنے کی بھی منظوری دی گئی ۔

امتحانات کے شفاف انعقاد کیلئے امتحانی مراکز میں کیمرے انسٹال کئے جائیں گے۔بورڈ کیلئے روز مرہ کی مشینری، سیکریسی پریس مشین بھی خریدی جائے گی۔اس موقع پر کمشنر عامر کریم خاں نے کہا کہ ملتان تعلیمی بورڈ میں بجٹ شفافیت، دیانت اور احتساب کے اصولوں کے تحت استعمال ہوگا۔ ان کا کہنا تھا کہ بورڈ بجٹ میں کفایت شعاری، شفافیت اور نتائج پر مبنی اخراجات کو ترجیح دی گئی ہے۔