مسجد نبوی میں سمر قرآن پروگرام، رجسٹریشن کا آغاز

اتوار 29 جون 2025 08:50

مدینہ منورہ (اُردو پوائنٹ اخبارتازہ ترین - اے پی پی۔ 29 جون2025ء) الحرمین الشریفین میں دینی امور کے ادارے کی جانب سے مسجد نبوی میں قرآن کریم کو درست تلفظ کے ساتھ پڑھنے کےلیے سمر قرآن پروگرام کا آغاز کیا گیا ہے۔

(جاری ہے)

عاجل نیوز کے مطابق الحرمین میں دینی امور کے سربراہ شیخ ڈاکٹر عبدالرحمان السدیس نے قرآنی تعلیم پروگرام کا افتتاح کیا جس کا آغاز پیر 5 محرم الحرام 1447 سے ہوگا جو 15 صفر تک جاری رہے گا۔قرآن کریم کو درست تلفظ سے پڑھنے اور تلاوت کے طریقوں کو جاننے کےلیے پروگرام کا آغاز مسجد نبوی میں کیا گیا ہے جہاں دینی و علوم قرآت کے ماہرین موجود ہوں گے۔پروگرام میں شمولیت کے خواہشمندوں کے لیے رجسٹریشن کا آغاز کردیا گیا ہے۔