سانحہ سوات سے وزیراعلی علی امین کی بے حسی ظاہر ہوگئی ،انہیں فوری طور پر استعفی دینا چاہیے، اپوزیشن لیڈر خیبر پختونخوا اسمبلی

اتوار 29 جون 2025 18:20

سوات (اُردو پوائنٹ اخبارتازہ ترین - اے پی پی۔ 29 جون2025ء) خیبر پختونخوا اسمبلی کے اپوزیشن لیڈر ڈاکٹر عباد اللہ خان نے کہا ہے کہ سوات سانحے سے وزیراعلی علی امین کی بے حسی ظاہر ہوگئی ہے،انہیں فوری طور پر اپنے عہدے سے مستعفی ہوجانا چاہیے۔

(جاری ہے)

اتوار کو دورہ سوات کے موقع پر میڈیا سے گفتگو کرتے ہوئے اپوزیشن لیڈر ڈاکٹر عباداللّٰہ خان نے کہا کہ سوات سانحے سے وزیراعلی علی امین کی بے حسی ظاہر ہوگئی ہے، لوگ آج وزیراعلی کےمستعفی ہونے اورعلی امین گنڈاپورمردہ باد کے نعرے لگا رہے ہیں، پشاور سے 35 منٹ کے فاصلے پر وزیراعلی نے ہیلی کیوں نہیں بھیجا، تین لوگ مقامی غوطہ خور ہلال نے بچائے، اپوزیشن لیڈر نے کہا کہ ہم نے اجلاس بلانے کا کہا لیکن وزیر اعلی نے سپیکر کو اجلاس ختم کرنے کا کہا تاکہ اس پر بحث سے بچا جا سکے، ہم ریکوزیشن جمع کرائیں گے، سوات کے ممبران اس پر دستخط کریں، ڈاکٹر عباد اللہ نے کہا کہ ڈسکہ اور مردان کے عوام کے ساتھ کھڑا رہوں گا، وہاں پر ان لوگوں کو وزیراعلی کے خلاف ایف آئی آر درج کرنے کا کہوں گا۔

انہوں نے کہا کہ اے سیز اور ڈی سیز کے تبادلے پیسوں پر ہوتے ہیں، ڈی سی اور اے سیز کے تبادلوں سے اسکا ازالہ نہیں کیا جاسکتا، انہوں نے کہا کہ پی ڈی ایم اے کی گاڑیاں ایم پی ایز استعمال کرتے ہیں۔