Live Updates

ٹ*پولیس اہلکار کا شہری پر حملہ، رقم واپس مانگنا طاہر کو مہنگا پڑ گیا

یشبیر قمر نے ساتھیوں کے ہمراہ طاہر کے گھر حملہ کر کے اہلخانہ کو تشدد کا نشانہ بنایا قرقم واپسی پر فائرنگ، سر پھٹنے پر طاہر کو اسپتال منتقل، مقدمہ درج، ملزمان فرار

اتوار 29 جون 2025 21:00

ٌلاہور (اُردو پوائنٹ اخبارتازہ ترین - آن لائن۔ 29 جون2025ء) پولیس اہلکار شبیر قمر کی جانب سے مبینہ طور پر بیرون ملک بھجوانے کے عوض لی گئی رقم کی واپسی کا مطالبہ کرنا شہری طاہر کو مہنگا پڑ گیا۔ پولیس اہلکار نے ساتھیوں کے ہمراہ طاہر کے گھر پر اسلحہ اور ڈنڈوں سے حملہ کر دیا۔واقعے کی تفصیلات کے مطابق، حملہ آوروں نے طاہر اور اس کے اہلخانہ کو بدترین تشدد کا نشانہ بنایا، جس سے طاہر کا سر شدید زخمی ہو گیا۔

متاثرہ شہری کو فوری طبی امداد کے لیے قریبی ہسپتال منتقل کر دیا گیا۔

(جاری ہے)

حملے کے بعد ملزمان نے گھر پر اندھا دھند فائرنگ کی، جس سے علاقے میں خوف و ہراس پھیل گیا۔پولیس حکام کے مطابق، پولیس اہلکار شبیر قمر نے شہری طاہر سے بیرون ملک بھجوانے کے وعدے پر رقم لی تھی لیکن کام نہ ہونے پر طاہر نے رقم واپسی کا مطالبہ کیا اور متعلقہ تھانے میں شکایت درج کرائی۔ اس پر شبیر قمر نے انتقامی کارروائی کرتے ہوئے اپنے ساتھیوں کے ہمراہ طاہر پر حملہ کر دیا۔پولیس نے شبیر قمر اور دیگر نامزد افراد کے خلاف فائرنگ اور دہشت پھیلانے کی دفعات کے تحت مقدمہ درج کر لیا ہے، تاہم ملزمان تاحال فرار ہیں۔ ان کی گرفتاری کے لیے مختلف مقامات پر چھاپے مارے جا رہے ہیں۔