فیصل آباد پولیس نے بیوی کو قتل کرنے والا ملزم گرفتار کرلیا

جمعرات 3 جولائی 2025 13:00

مکوآنہ (اُردو پوائنٹ اخبارتازہ ترین - این این آئی۔ 03 جولائی2025ء)فیصل آباد پولیس نے بیوی کو قتل کرنے والے ملزم کو گرفتار کرلیا۔ تفصیلات کے مطابق تھانہ نشاط آباد پولیس نے کارروائی کرکے بیوی کو قتل کرنے والے ملزم اللّٰہ دتہ کوگرفتار کرلیا۔

(جاری ہے)

ترجمان پولیس نے بتایا کہ فیصل آباد سٹی پولیس آفیسر صاحبزادہ بلال عمر کی ہدایت پرایس ایچ او تھانہ نشاط آباد نے کارروائی کرتے ہوئے بیوی کو قتل کرنے والے ملزم گرفتار کیا۔

ملزم اللہ دتہ کا اپنی بیوی عابدہ پروین کے ساتھ لڑائی جھگڑا ہوا تو ملزم نے چھری کے وار کرکے بیوی کو قتل کر دیا۔ ملزم تھانہ نشاط آبادمیں مقدمہ 1156/25بجرم 302/34 ت پ میں ملزم پولیس کو مطلوب تھا۔ایس ایچ او نشاط آباد نے جدید تکنیکی وسائل کو بروئے کار لاتے ہوئے اپنی ٹیم کے ہمراہ کاروائی کرکے ملزم کوگرفتارکر لیا۔